Legenda Incurtzaduras | Legenda Sìmbulos

astrólicu , nm, agt: astrólogu Definitzione chie nanca cumprendhet ite narant is astros; chi o chie narat perrerias, isciolórios Sinònimos e contràrios illeriadu, istrólicu, strambecu Ètimu itl. Tradutziones Frantzesu astrologue, bizarre Ingresu astrologer, odd Ispagnolu astrólogo, adivino, estrafalario Italianu astròlogo, strambo Tedescu Astrologe, komisch.

bidhídhiri , nm Definitzione idea maca, istrambeca, badhine Sinònimos e contràrios adhídhiu, bibbirriu, billèlleres, birbillitzu, bremmigorru, crichivellu, muschinada, píspara, treca, tzelevriada, tzintzirilliu, viúscula, zibbírriu Frases ti ndhe benit, a tie, de bidhídhiris a conca!…◊ no ti sunt passados ancora sos bidhídhiris?! Ètimu srd. Tradutziones Frantzesu idée bizarre Ingresu odd idea Ispagnolu idea peregrina, extravagante Italianu idèa bizzarra Tedescu wunderliche Idee.

bizarrósu , agt Definitzione chi faet su berbétigu, su trotu; chi si arrennegat meda, chi si dha pigat deretu Sinònimos e contràrios arrevésciu, solàsticu, trevessu / arrabbiosu, arragonosu, arrenignosu, bischiliosu, buzarrosu, croconosu, febosu, felorosu, stacosu, sutzuliu Terminologia iscientìfica ntl Ètimu srd. Tradutziones Frantzesu bizarre Ingresu eccentric Ispagnolu peregrino, bizarro Italianu bizzarro Tedescu launisch.

fregnósu , agt Sinònimos e contràrios bizarrosu, tremposu Tradutziones Frantzesu bizarre, lunatique Ingresu odd, moody Ispagnolu extravagante, lunático Italianu bizzarro, lunàtico Tedescu bizarr, launenhaft.

mentósicu , agt: mentósigu Definitzione nau de ccn., chi est de ideas unu pagu macas, chi no tenet firmesa, chi faet comente dhi benit a conca chentza cunsiderare is cosas Sinònimos e contràrios ideàticu, strambóticu Frases depet iscrívere solu cantonedhas de amore bantandhe sas frassas melodias de unu tempus mentósicu? ◊ torra a inoghe a ti chilcare fémina, chi sas cuntinentales sunt mentósigas!…◊ ses mentósiga e annerviada: no tancas mai sa buca! Ètimu srd. Tradutziones Frantzesu bizarre, extravagant Ingresu queer, cantankerous Ispagnolu estrafalario Italianu strambo, bisbètico Tedescu sonderbar, launisch.

strólicu , agt, nm: istrólicu*, stróllicu, stróligu, strólogu Definitzione chi o chie faet istrolichéntzias, isciolórios, cosighedhas no tanti giustas, unu pagu istranas Sinònimos e contràrios arratzosu, astrólicu, giólvinu, illeriadu, istrambóticu, sciàpidu, stavellau, strambecu Frases stróllicu est chi ses: no as a bolli nai ca is findeus funt lègius! ◊ strollichedhu ses: tanti funt abbituaus dógnia dí a su regalu!… Tradutziones Frantzesu bizarre Ingresu eccentric Ispagnolu extraño, estrafalario Italianu strano, stravagante Tedescu seltsam, extravagant.

«« Torra a chircare