Legenda Abbreviazioni | Legenda Simboli

arraciàda , nf: arreciada, arreciara, arriciada, reciada Definizione ferros intraos apare de unu betu e a istúturu, po serrare mescamente un'apertura (in su sensu de dh’assegurare) Sinonimi e contrari arrècia, ferrada Frasi una ghitarra acumpàngiat unu cantu de amori po una picioca apalas de s'arreciara ◊ is arriciadas dhas ponint a is fentanas Traduzioni Francese grille Inglese bars Spagnolo reja Italiano inferriata Tedesco Eisengitter.

arrècia , nf: rècia Definizione cosa intriciada o intrada apare (ferru, canna, linna) po serrare o amparare calecuna cosa Sinonimi e contrari arraciada, ferrada / giaga Frasi is mòngias fuedhant de apalas de s'arrècia ◊ apalas de s'arrècia su caboni at cantau!…◊ cussa maca fastígiat de s'arrècia! 2. arrustiant su pische in un'arrècia de letu 3. s'intrat in d-una arrecixedha Etimo ctl. reixa Traduzioni Francese grille Inglese grating Spagnolo reja, rejilla Italiano grata Tedesco Gitter.

cancéllu , nm: cantzellu, gantzellu* Definizione genia de serru de intrada larga fatu prus che àteru a traessas largas (de linna, de ferru o àteru)/ genias de c.: a binàriu (cun orrodighedhas chi permitint a unu c. de istesiare po apèrrere o acostire po serrare in parallelu cun su muru chi dh’aguantat), a badhadori (assaedhu in su tacu, chi permitit a su c. intrau in grofales de apèrrere faendho un’arcu cun sa parte prus atesu) Sinonimi e contrari rastrégliu 1 Frasi po fai su prexei a su bixinu aberru e serru su cancellu candu passat sa màchina ◊ intamore cussu chi ant postu in dainanti a su cancellu, meràcula comente no lis at intradu denúntzia! ◊ de intzandus funt obertus is cancellus ◊ seus andaus fintzas a su cancellu de ferru de domu tua ◊ sa fidi no tenit cancellus! Cognomi e Proverbi smb: Cancellu Terminologia scientifica srr Traduzioni Francese grille Inglese gate Spagnolo verja Italiano cancèllo Tedesco Gitter.

ferràda , nf: ferriada Definizione arretza de ferros grussos chi si ponet pruschetotu in is fentanas a parte de fora po èssere prus seguras Sinonimi e contrari arrècia, arraciada, serralliedhu / cdh. farrata Frasi in solidade cubet ojos de sole addaisegus de una ferriada ◊ at fatu sas ventanas chin sas ferradas ◊ sos bracones de sa carrela pro seguresa zughent sa ferrada ◊ in sa ferrada intrat sa lughe ◊ cantone, giumpa sa ferrada e lompe a ue est s'isposa mia! ◊ su bentu ndi at isciusciau fentanas e ferradas! Terminologia scientifica dmo Etimo itl. ferrata Traduzioni Francese grille Inglese grating Spagnolo reja Italiano inferriata, grata Tedesco Gitterrost.

giàga , nf: zaca 1 Definizione genia de serru largu po corte, ortu, cungiau, fatu coment’e un’iscala a fustes e duos cosciales intraos apare / min. giaghita Sinonimi e contrari arrècia, geca Frasi sa giaga est totu istraessada Terminologia scientifica srr Etimo ltn. iacca Traduzioni Francese grille rustique Inglese country gate Spagnolo verja Italiano cancèllo rùstico Tedesco Holzgitter, Brettergitter.

gríglia 1 , nf: gríllia Definizione genia de arretza de is maistos de muru po sedatzare arena, impastu; fintzes genia de tapu de is tumbinos in coretas de s’orruga Terminologia scientifica ans Etimo itl. Traduzioni Francese grille Inglese grill Spagnolo criba Italiano cóla, grìglia Tedesco Sieb.

«« Cerca di nuovo