Legenda Abbreviazioni | Legenda Simboli

paltimènta , nf, nm: partimenta, partimentu, partzimenta, pracimenta, pratzimenta Definizione su ispartzire is cosas in partes oguales, nau pruschetotu de s'ispartzidura de is benes de famíglia, s'interessu chi ant lassau is mannos Sinonimi e contrari cumpaltimentu, dividimenta, partidura, partinzu, spartzidura, spartzimenta / cdh. paltimentu, ttrs. ipartimentu Frasi sunt a briga pro sa partimenta ◊ sos pòveros túnciant ca in sa partimenta de sos pagamentos sos printzipales pagant pagu ◊ cumbinaiant catzas e torraiant a inoghe pro su partimentu ◊ est dispràxia po sa pratzimenta de sa sienda Etimo srd. Traduzioni Francese division, partage Inglese division Spagnolo partición Italiano divisióne, suddivisióne Tedesco Teilung.

partídu , pps, agt: partiu Definizione de partire e -ire 1 Sinonimi e contrari andau, tucadu / divididu, spartziu | ctr. beniu, torradu / intregu 2. sunt zocandhe un'istrumpa trissinada, a chitu partidu ◊ sa preda secada l'at posta in duos muntones, partia, e at mutiu su mere de sa tanca a si picare sa parte ◊ semus galu partios a chentu prebbandha, pro su sisinu! Traduzioni Francese divisé, partagé Inglese divided Spagnolo salido, partido Italiano partito, diviso Tedesco abgefahren, geteilt, getrennt.

partijòne , nf: partissione, partitzioni, partizone, partzizone Definizione su fàere una cosa in partes; fintzes parte, parte pitica de una css. cosa ispartzia Sinonimi e contrari cummesada, dividimenta, divisione, partidura / partichedha Frasi custos sont contos chi contaiant in campu e in bidha apustis de sa partijone de sos sartos ◊ cussa est arribbada senna a mi falare sa zustíscia pro sa partzizone de s'interessu! 2. dónnia sero sa mama faghiat su chi teniat in deghe partizones a sos fizighedhos famios Etimo ltn. partitione(m) Traduzioni Francese partage, subdivision Inglese sharing Spagnolo partición Italiano spartizióne, suddivisióne Tedesco Teilung, Aufteilung, Unterteilung.

serràcu 1 , nm: serragu 1 Definizione logu a serra, in su tretu prus artu chi a bisura de línia o filu de serra ispartzit su logu de betare is abbas a duas bandhas e badhes diferentes / annare serragu serragu = monte monte, serra serra Sinonimi e contrari serra Frasi cumintzeint s'aronzu dae sas badhes fintzas a su serragu ◊ apelzeint camminos pro giumpare sos serragos ◊ est istétia una fatiga a si ndi bènniri a innòi a susu, a su serragu de sa costera arrata ◊ furint iscumpartus apalas de unu serragu Terminologia scientifica slg Etimo srd. Traduzioni Francese crête, versant, ligne de partage des eaux Inglese watershed Spagnolo divisoria de aguas Italiano spartïacque, displùvio Tedesco Wasserscheide.

smesaméntu , nm: ismesamentu* Definizione su irmesare, su che ndhe bogare sa metade de una cosa, su dha torrare a su mesu Sinonimi e contrari ammesadura, irmesadura Traduzioni Francese partage en deux Inglese halving Spagnolo división, partición en dos Italiano dimezzaménto Tedesco Halbierung.

spartzidúra , nf: ispartidura* Definizione su cumpartire, su ispartzire is cosas in partes oguales Sinonimi e contrari cumpaltimentu, paltimentu, partidura, partinzu, spartzimenta Traduzioni Francese partage Inglese division Spagnolo división, reparto Italiano divisióne Tedesco Teilung.

spartzimènta, spartziméntu , nf, nm Definizione su cumpartire, su ispartzire is cosas faendho partes oguales Sinonimi e contrari cummesada, cumpaltimentu, partidura, spartzidura / ttrs. ipartimentu Etimo srd. Traduzioni Francese partage Inglese partition Spagnolo repartición Italiano spartizióne Tedesco Verteilung.

«« Cerca di nuovo