Ditzionàriu in línia
de sa limba e de sa cultura sarda

ciurmàda , nf Definizione gente metzana, gentighedha Sinonimi e contrari gentaredha Etimo srd. Traduzioni Francese racaille Inglese mob Spagnolo populacho, chusma Italiano gentàglia, ciurmàglia Tedesco Gesindel.

fratamàza , nf Definizione gente de pagu contu, chi no est de cabbale Sinonimi e contrari gentaredha, gentixedha, ratatúglia, scrufulia Traduzioni Francese racaille Inglese scum Spagnolo populacho Italiano gentàglia Tedesco Gesindel, Pack.

fundhalíssia, fundhalítza , nf: fundharitza, fundharutza Definizione cosa o malesa chi si ponet e pàusat in su fundhu de un'istrégiu, de su chi dhue at (ógiu, binu, àteru); nau in cobertantza, gentighedha, gente metzana Sinonimi e contrari fundaina, fundharaza, fundhuluza, funguluza, ludàciu, mucra, mundurúglia, setzedura, smama / cdh. fundarícia Etimo srd. Traduzioni Francese sédiment, lie, racaille Inglese dregs, sediment Spagnolo sedimento, poso, heces Italiano sediménto, fondàccio Tedesco Bodensatz.

gentixèdha , nf: zentichedha Definizione gente: segundhu comente si narat, bolet nàrrere gente meda (antífrasi), ma segundhu comente bolet nàrrere gente metzana Sinonimi e contrari gentaredha, ratatúglia, scrufulia, tzentedha / zentória 2. contighedhos de dogni forma istrana ndhe narat in sa die dogni momentu sa zentighedha pitica e metzana ◊ lassadhus a perdi, no passis de genti a gentixedha! Traduzioni Francese racaille, multitude Inglese multitude, mob Spagnolo populacho, multitud Italiano plebàglia, moltitùdine Tedesco Pöbel, Menge.

rundhàglia , nf Definizione is rundhajolos, gente metzana chi totu su chi faet est a istare in giru Sinonimi e contrari bagamundalla, bruscualla, cannarolaza, gentaredha, scrufulia Etimo srd. Traduzioni Francese racaille Inglese scum Spagnolo gentuza Italiano gentàglia Tedesco Gesindel, Pack.