Ditzionàriu in línia
de sa limba e de sa cultura sarda

aggrinzàre , vrb Definizione fàere sa bia de conca, petenandho is pilos Traduzioni Francese faire la raie Inglese to part (hair) Spagnolo hacer la raya del pelo Italiano fare la scriminatura Tedesco scheiteln.

chírra 1 , nf Definizione sa via de conca, o de pilu: sa bia chi abbarrat petonandho is pilos parte a una bandha e parte a s'àtera / èssere de mala c. = de mala uta, de naturale malu Sinonimi e contrari biapilu, cibila, crincera, crinza, scrima Cognomi e Proverbi smb: Chirra, (Ghirra) Etimo srd. Traduzioni Francese raie Inglese parting (hair) Spagnolo raya Italiano scriminatura Tedesco Scheitel.

crincèra , nf: cringera, crinsera, crintzera, crinzera, gringera Definizione bia de conca, genia de erriga, tretu longu ue is pilos funt petenaos parte a una bandha e parte a s'àtera lassandho bíere sa pedhe de conca a síngia bianca: in calecunu logu dhu narant a sa giua Sinonimi e contrari chirra 1, crinza, iscrinzera, scrima Traduzioni Francese raie des cheveux Inglese -parting (hair) Spagnolo raya Italiano discriminatura Tedesco Scheitel.

crínza , nf: gríngia Definizione bia de conca, de pilu: petenandhosi, s'erriga chi abbarrat trochendho is pilos a duas partes diferentes Sinonimi e contrari chirra 1, crincera, scrima Etimo ctl., spn. crenxa, crencha Traduzioni Francese raie des cheveux Inglese hair-parting Spagnolo raya Italiano discriminatura Tedesco Scheitel.

ferràssa , nf, nm: ferratza, ferratzu Definizione genia de musciola o scrita, assimbígiat unu pagu a sa palaja ca est lada meda e de colore prus craru asuta, ma est manna meda, a forma de triàngulu e portat una coa a bisura de foete Sinonimi e contrari ferradu 1 Terminologia scientifica psc, dasyatis pastinaca Etimo itl. Traduzioni Francese raie pastenague Inglese common stingray Spagnolo raya làtigo común Italiano ferràccia, pastinaca comune Tedesco Gewöhnliche Stechrochen.

sburròni , nm: isburrone* Definizione frigada de pinna, sburradura fata passandho sa pinna apitzu de s'iscritura; cosa male iscrita, apenas cumenciada, cosa iscrita a improdhu, cancellada; istídhigu de tinta in s'iscritura Sinonimi e contrari burrone 2, coredhu, gantzelladura, scarrafatoni Frasi su pipiu imparendi a iscriri at fatu unu bellu pagu de sburronis Traduzioni Francese raie Inglese scrawl Spagnolo borrón Italiano frégo Tedesco Strich, Kritzelei.

scríma , nf Definizione bia de conca, o de pilu: petenandhosi, sa bia chi abbarrat trantzindho is pilos a parte e àtera Sinonimi e contrari chirra 1, crincera, crinza, iscrimera Frasi dhoi at piciochedhus chi si faint sa scrima in mesu ◊ sa piciochedha est petonara a scrima in mesu Etimo itl. scrima Traduzioni Francese raie Inglese parting (hair) Spagnolo raya Italiano scriminatura Tedesco Scheitel.

scríta 1 , nf: iscrita* Definizione genia de pische de mare a ossu modhe / calidades de s.: s. lisa, chi faet manna meda, fintzes de metro e mesu (Raja oxyrhynchus), s. perdosa (R.clavata), s. capucina, sa prus manna, faet fintzes de duos metros e mesu (R. batis) Sinonimi e contrari capitana 1, farratzu 1 Terminologia scientifica psc Traduzioni Francese raie (zool.) Inglese ray Spagnolo raya Italiano razza Tedesco Rochen.

vía , nf: bia* Definizione su logu inue si passat; genia de síngia de calecuna cosa (fintzes de colore diferente); parte, bandha de unu logu, de una posidura Sinonimi e contrari arruga 1, caminu, carrela, istrada, sia 2 / ala, bandha, parte / tiza Modi di dire csn: sa via de conca = sa riga, sa via de pilu, sa viedha o scrima acomenti is pilus petonaus funti ghetaus a una parti e àtera Frasi su celu est aviau, totu a vias a vias 2. at lassatu sa gianna tuncata dae sa via de intro Cognomi e Proverbi smb: (De)vias, (De)ias Traduzioni Francese bande, raie Inglese stripe, vein Spagnolo calle, lista, banda Italiano strìscia, venatura, lista Tedesco Streifen.