Ditzionàriu in línia
de sa limba e de sa cultura sarda

aggrinzàre , vrb Definition fàere sa bia de conca, petenandho is pilos Translations French faire la raie English to part (hair) Spanish hacer la raya del pelo Italian fare la scriminatura German scheiteln.

chírra 1 , nf Definition sa via de conca, o de pilu: sa bia chi abbarrat petonandho is pilos parte a una bandha e parte a s'àtera / èssere de mala c. = de mala uta, de naturale malu Synonyms e antonyms biapilu, cibila, crincera, crinza, scrima Surnames and Proverbs smb: Chirra, (Ghirra) Etymon srd. Translations French raie English parting (hair) Spanish raya Italian scriminatura German Scheitel.

crincèra , nf: cringera, crinsera, crintzera, crinzera, gringera Definition bia de conca, genia de erriga, tretu longu ue is pilos funt petenaos parte a una bandha e parte a s'àtera lassandho bíere sa pedhe de conca a síngia bianca: in calecunu logu dhu narant a sa giua Synonyms e antonyms chirra 1, crinza, iscrinzera, scrima Translations French raie des cheveux English -parting (hair) Spanish raya Italian discriminatura German Scheitel.

crínza , nf: gríngia Definition bia de conca, de pilu: petenandhosi, s'erriga chi abbarrat trochendho is pilos a duas partes diferentes Synonyms e antonyms chirra 1, crincera, scrima Etymon ctl., spn. crenxa, crencha Translations French raie des cheveux English hair-parting Spanish raya Italian discriminatura German Scheitel.

ferràssa , nf, nm: ferratza, ferratzu Definition genia de musciola o scrita, assimbígiat unu pagu a sa palaja ca est lada meda e de colore prus craru asuta, ma est manna meda, a forma de triàngulu e portat una coa a bisura de foete Synonyms e antonyms ferradu 1 Scientific Terminology psc, dasyatis pastinaca Etymon itl. Translations French raie pastenague English common stingray Spanish raya làtigo común Italian ferràccia, pastinaca comune German Gewöhnliche Stechrochen.

sburròni , nm: isburrone* Definition frigada de pinna, sburradura fata passandho sa pinna apitzu de s'iscritura; cosa male iscrita, apenas cumenciada, cosa iscrita a improdhu, cancellada; istídhigu de tinta in s'iscritura Synonyms e antonyms burrone 2, coredhu, gantzelladura, scarrafatoni Sentences su pipiu imparendi a iscriri at fatu unu bellu pagu de sburronis Translations French raie English scrawl Spanish borrón Italian frégo German Strich, Kritzelei.

scríma , nf Definition bia de conca, o de pilu: petenandhosi, sa bia chi abbarrat trantzindho is pilos a parte e àtera Synonyms e antonyms chirra 1, crincera, crinza, iscrimera Sentences dhoi at piciochedhus chi si faint sa scrima in mesu ◊ sa piciochedha est petonara a scrima in mesu Etymon itl. scrima Translations French raie English parting (hair) Spanish raya Italian scriminatura German Scheitel.

scríta 1 , nf: iscrita* Definition genia de pische de mare a ossu modhe / calidades de s.: s. lisa, chi faet manna meda, fintzes de metro e mesu (Raja oxyrhynchus), s. perdosa (R.clavata), s. capucina, sa prus manna, faet fintzes de duos metros e mesu (R. batis) Synonyms e antonyms capitana 1, farratzu 1 Scientific Terminology psc Translations French raie (zool.) English ray Spanish raya Italian razza German Rochen.

vía , nf: bia* Definition su logu inue si passat; genia de síngia de calecuna cosa (fintzes de colore diferente); parte, bandha de unu logu, de una posidura Synonyms e antonyms arruga 1, caminu, carrela, istrada, sia 2 / ala, bandha, parte / tiza Idioms csn: sa via de conca = sa riga, sa via de pilu, sa viedha o scrima acomenti is pilus petonaus funti ghetaus a una parti e àtera Sentences su celu est aviau, totu a vias a vias 2. at lassatu sa gianna tuncata dae sa via de intro Surnames and Proverbs smb: (De)vias, (De)ias Translations French bande, raie English stripe, vein Spanish calle, lista, banda Italian strìscia, venatura, lista German Streifen.