Ditzionàriu in línia
de sa limba e de sa cultura sarda

bèna , nf, nm: benu, vena* Definition genia de cundhutu inue passat su sàmbene in s'organísimu animale torrandho a su coro; corighedha de abba chi essit de terra; logu (mescamente in paris o logu campu) inue dhue sumit abba / min. benichedha Synonyms e antonyms benale / benadroxu, benassu, benarzu, benàtile, benatinu, bennaghe, giuncarzu, tuerra Idioms csn: calai in benas = gustai meda una cosa; Sa bena = Su Cologone de Olíana, sa funtana prus manna de Sardinna Sentences sa zente est assuta in benas de coro 2. ocannu at próidu ma no at sassiadu sa terra e benos no ndhe at bogadu ◊ ube sos rios e benos no ant abbas currentes istat cracagliendhe sa rana ◊ su benu essiat a bullu de un'abberta de roca, suta su pizu de s'abba Scientific Terminology crn, slg Translations French veine English vein Spanish vena Italian véna German Ader, Wasserader.

salvadèlla , nf: salvatella Definition sa vena prus grussa de su cuidu, a parte de aintru, po fàere sa sangria Scientific Terminology crn Translations French veine cubitale English cubital vein Spanish vena cubital Italian véna cubitale German Halsblutader.

vèna , nf: bena Definition genia de cundhutu ue passat su sàmbene in s'organísimu animale torrandho a su coro (si narat fintzes de cundhutu de su late); camba de abba mancari pitica chi essit de terra; genia de filu de un'orroca, de una pedra, de sa linna; capacidade de imbentare, creatividade / min. veníglia, venigedha = itl. capillare Idioms csn: venas abbudronadas = irfodhionadas, guastas, itl. varici; sas venas = itl. àlbero venóso; v. maista o manna = artéria; v. maista o manna de su coro = itl. aòrta; vena de su gúturu = itl. vena giugulare; v. furcada = chi si forchidhat; v. apietada, giagada in conca = tupada cun sàmbene apretadu, itl. trombòsi; leare s'abba dai sa v. = circai de isciri sa beridadi; v. de minerale = filone; tènniri una v. de macu = pecare a macu; tènniri una v. de druci (nadu de cosas de manigare) = chi li essit su sabore durche; parare sa v. = frenàresi, muntenneresindhe de nàrrere, de cantare, improvisare, imbentare Sentences si sàmbene bonu giughes in sas venas, mustra a su mundhu sa tua energia e pensa a ponner frenu a tantas penas! (Testone) 2. frisca continu ti bundhet sa vena de maju bellu in lughe e armonia (P.Casu)◊ sunt sicas sas venas e sica sa pastura ◊ comenti currint is venas de s'àcua currant is venas de su lati! ◊ sa morte de sa pitzinna mi at sicadu su sàmbene in sas venas! 3. custa preda est totu venas 4. prima de operare, lea s'abba dai sa vena! Scientific Terminology crn, slg Etymon ltn. vena Translations French veine English vein Spanish vena Italian véna German Ader, Wasserader.

vía , nf: bia* Definition su logu inue si passat; genia de síngia de calecuna cosa (fintzes de colore diferente); parte, bandha de unu logu, de una posidura Synonyms e antonyms arruga 1, caminu, carrela, istrada, sia 2 / ala, bandha, parte / tiza Idioms csn: sa via de conca = sa riga, sa via de pilu, sa viedha o scrima acomenti is pilus petonaus funti ghetaus a una parti e àtera Sentences su celu est aviau, totu a vias a vias 2. at lassatu sa gianna tuncata dae sa via de intro Surnames and Proverbs smb: (De)vias, (De)ias Translations French bande, raie English stripe, vein Spanish calle, lista, banda Italian strìscia, venatura, lista German Streifen.