Legenda Abbreviazioni | Legenda Simboli

altàna , nf: artana, ortana Definizione latzu de pedra (o fintzes de ferru) a duas perras chi si parat po cassare canes, margianes, lèpores o àteros animales deasi / betàreche o pònnere su pè in s'altana = fàghere irballu mannu Sinonimi e contrari paradella, peàdiga 1, pedraghe, pedrera, perdàgia Frasi margiani, si essis incontras s'artana preparada! ◊ unu merxani nci fiat arrutu in d-un'artana ma ndi fut essiu ◊ in bíngia apu postu s'artanedha po su cunillu ◊ ista atentu no che ponzas su pè in s'altana! Cognomi e Proverbi smb: Altana Traduzioni Francese trappe Inglese trap Spagnolo trampa Italiano tràppola Tedesco Falle.

caderàta , nf: cadrata, cadreata, cradeata Definizione in is intaulaos, genia de apertura (chi serrat in paris) po pòdere calare a giosso (o artzare a susu a un'àteru pianu); is aperturas de su nasu; parte e àtera de sa conca apitzu de is origas Sinonimi e contrari gusorju, trapa / càrica, nàstula 1 / cucas Frasi ue sunt sas cadreatas de s'inferru? Etimo itl. cataratta Traduzioni Francese trappe Inglese trapdoor Spagnolo escotillón Italiano bòtola Tedesco Kellerluke.

trambuchète , nm Definizione fossu cuau chi faet imbruconare e orrúere; genia de dificurtade o trassa fata apostadamente po fàere orrúere o ibballiare s'àteru Sinonimi e contrari trabbucu Traduzioni Francese trappe, piège Inglese pitfall Spagnolo trampa Italiano trabocchétto Tedesco Fallgrube.

tràpa , nf Definizione apertura chi si faet in is teuladas po intrare lughe e pruschetotu in is intaulaos po pòdere andhare a su bàsciu o a su sostro (de serrare o apèrrere coment'e una porta cuadrada a tapu, in paris); genia de ferrada chi tupat is tumbinos de is orrugas a manera de lassare intrare s'abba próina; segada puru Sinonimi e contrari caderata / abberta, trapada Frasi agatat sa trapa, l'abberit e che falat in sas iscalinas ◊ pro falare a sa cantina bi est sa trapa ◊ andhat a batire vinu e ndhe rughet in sa trapa ◊ sa pitzinna ascurtaiat sos contos dae sa trapedha de su taulatu 2. sa ballina mi ch'est ruta in su tumbinu: amus alciadu sa trapa e ndhe l'amus bogada 3. punghes e lassas in su coro addoloridu de puntas e trapas sa peuta (A.Porchedhu) Etimo ctl. trapa Traduzioni Francese trappe Inglese trapdoor Spagnolo trampa Italiano bòtola Tedesco Bodenluke.

«« Cerca di nuovo