Abbreviations Legenda | Symbols Legend

altàna , nf: artana, ortana Definition latzu de pedra (o fintzes de ferru) a duas perras chi si parat po cassare canes, margianes, lèpores o àteros animales deasi / betàreche o pònnere su pè in s'altana = fàghere irballu mannu Synonyms e antonyms paradella, peàdiga 1, pedraghe, pedrera, perdàgia Sentences margiani, si essis incontras s'artana preparada! ◊ unu merxani nci fiat arrutu in d-un'artana ma ndi fut essiu ◊ in bíngia apu postu s'artanedha po su cunillu ◊ ista atentu no che ponzas su pè in s'altana! Surnames and Proverbs smb: Altana Translations French trappe English trap Spanish trampa Italian tràppola German Falle.

caderàta , nf: cadrata, cadreata, cradeata Definition in is intaulaos, genia de apertura (chi serrat in paris) po pòdere calare a giosso (o artzare a susu a un'àteru pianu); is aperturas de su nasu; parte e àtera de sa conca apitzu de is origas Synonyms e antonyms gusorju, trapa / càrica, nàstula 1 / cucas Sentences ue sunt sas cadreatas de s'inferru? Etymon itl. cataratta Translations French trappe English trapdoor Spanish escotillón Italian bòtola German Kellerluke.

trambuchète , nm Definition fossu cuau chi faet imbruconare e orrúere; genia de dificurtade o trassa fata apostadamente po fàere orrúere o ibballiare s'àteru Synonyms e antonyms trabbucu Translations French trappe, piège English pitfall Spanish trampa Italian trabocchétto German Fallgrube.

tràpa , nf Definition apertura chi si faet in is teuladas po intrare lughe e pruschetotu in is intaulaos po pòdere andhare a su bàsciu o a su sostro (de serrare o apèrrere coment'e una porta cuadrada a tapu, in paris); genia de ferrada chi tupat is tumbinos de is orrugas a manera de lassare intrare s'abba próina; segada puru Synonyms e antonyms caderata / abberta, trapada Sentences agatat sa trapa, l'abberit e che falat in sas iscalinas ◊ pro falare a sa cantina bi est sa trapa ◊ andhat a batire vinu e ndhe rughet in sa trapa ◊ sa pitzinna ascurtaiat sos contos dae sa trapedha de su taulatu 2. sa ballina mi ch'est ruta in su tumbinu: amus alciadu sa trapa e ndhe l'amus bogada 3. punghes e lassas in su coro addoloridu de puntas e trapas sa peuta (A.Porchedhu) Etymon ctl. trapa Translations French trappe English trapdoor Spanish trampa Italian bòtola German Bodenluke.

«« Search again