Legenda Abbreviazioni | Legenda Simboli

connútu , nm: cundhutu, cundutu Definizione genia de tubbu o canale ue passat calecuna cosa / cundutu de immundítzias (fogna), de muràglia, de terratzu po iscolai s'àcua a foras Sinonimi e contrari columberi 1, fumajolu Frasi custa no est ora de lassai andai àcua de su cundutu, ca sa cora passat aranti de s'enna mia! ◊ tantu lestra in cundhutu no curreit abba pro mover roda de molinu chei su mastru poltendhe a mie ◊ apo acatau is marengos acanta de su cundhutu de s'abba 4. Etimo ltn. conductumu Traduzioni Francese conduit, tuyau Inglese tube Spagnolo conducto Italiano condótto Tedesco Rohrleitung.

iscólu , nm: scolu Definizione logu inue essit calecunu lícuidu, su chi essit etotu; fundhurúgiu, pasadura de calecuna cosa in istrégiu; infetu a is arremos de sa natura chi faet essire coment'e mucu bianchixi e faet abbruxore forte candho passat s'orina / binu de i. = binu de iscupu, su frore de su mustu chi nche bocant a primu de su cupone Sinonimi e contrari cola 1, cundhutu / impestu, iscoladura, pérdida Frasi in dogni logu si formant iscolos chi current in caminos e costeras 2. cussu bagasseri bos giuro chi ndhe ghirat chin s'iscolu! Traduzioni Francese tuyau d'écoulement Inglese slap, drain Spagnolo sangradura, heces, lías Italiano scólo Tedesco Abfluß.

launèdhas , nf pl: leonedhas, leunedhas, lionedhas, liunedhas Definizione genia de aina antiga meda a tres cannas po sonare a suladura; in cobertantza, genia de idea mala, cosa chi si timet, mémula / partes de is l.: tumbu, mancosa, mancosedha, cabitzinu (croba, loba: tumbu + mancosa); cuntzertu (su c.) = unu giogu, totu is tres cannas; launedha de forrani = pipiriolu de fenu Sinonimi e contrari bísonas, bisones, bísosas, cannas, trubedhas / grima Frasi sos pitzinnos andhabant a fàchere leonedhas a una tanca de trídicu ◊ su danesu Bentzon at fatu istúdiu abberu mannu subra de sas launedhas! ◊ tiu Frori fut su mellus sonadori de launedhas 2. zeo fia contrària po cudha leonedha chi mi aiat intrau in conca sa biada Terminologia scientifica sjl Etimo ltn. ligulella Traduzioni Francese instrument de musique à vent sard, à trois tuyau en roseau et la bouche comme réservoir d’air Inglese launedhas (typical reed-pipe of Sardinia) Spagnolo instrumento músico de trés tubos típico de Cerdeña Italiano spècie di zampógna tìpica sarda Tedesco sardische Hirtenflöte.

pòmpa 1 , nf Definizione genia de tubbu longu de plàstica o gomma (o àteru materiale lentu) po manigiare abba o àteru deasi; fintzes motore o màchina chi mandhat calecuna cosa (es. abba, gasu, cimentu, àteru) in pompas o in tubbos / min. pompita Sinonimi e contrari tubbu Frasi ponimí sa pompa a su grifoni po acuai is froris! ◊ fimus a iscacàglios e ndhe intrat mamma chin sa pompa birde… nos semus fena istremutidos! E callados! 2. cras nos benit sa pompa a betare bòveda Etimo itl. Traduzioni Francese tuyau Inglese pipe, tube Spagnolo tubo, bomba Italiano tubo, pómpa Tedesco Röhre, Pumpe.

túbbu , nm Definizione metallu o àteru materiale fatu a bisura de canna, tuvudu, a cundhutu de dhue pòdere passare aintru abba o àteru deasi / t. de iscapamentu = in is màchinas a motore a iscópiu, genia de tubbu chi serbit po che iscapare o bogare su fumu e àteros resídios a fora Etimo itl. Traduzioni Francese tuyau Inglese pipe Spagnolo tubo Italiano tubo Tedesco Rohr.

«« Cerca di nuovo