Legenda Abbreviazioni | Legenda Simboli

còla 1 , nf: cora, cori Definizione genia de surcu (solu su fossu) fatu po passare o arregòllere abba, logu ue passat abba currendho; nau de abba o suore, su chi calat coment'e chi siat passandho in cora / cora tastera, corixedha maista, cora maista = surcos chi in sas terras aradas collint sas abbas projanas, dae mesu a s'oru, pro che las bogare candho sunt a tropu Sinonimi e contrari caraju, sucru Frasi fiat orrutu in d-una cola e si fiat isciustu totu ◊ in su falare tanta abba aundhada at fatu coras in sos terrinos ◊ custa no est ora de lassai andai àcua de su cundutu, ca sa cora passat aranti de s'enna mia! ◊ s'abba in sa cora cheret abbiada pro coitare a colare ◊ abbendhe a surcu, s'abba si càssiat de sa cora a su surcu 2. su suore li falaiat a coras ◊ sas làgrimas li ant fatu sas coras ◊ candho bufat che li falat sa cosa a coras Traduzioni Francese caniveau Inglese drain Spagnolo reguera, cuneta, cauce Italiano canalétto per tèrra, cunétta, ròggia Tedesco Rinnstein, Gerinne.

iscólu , nm: scolu Definizione logu inue essit calecunu lícuidu, su chi essit etotu; fundhurúgiu, pasadura de calecuna cosa in istrégiu; infetu a is arremos de sa natura chi faet essire coment'e mucu bianchixi e faet abbruxore forte candho passat s'orina / binu de i. = binu de iscupu, su frore de su mustu chi nche bocant a primu de su cupone Sinonimi e contrari cola 1, cundhutu / impestu, iscoladura, pérdida Frasi in dogni logu si formant iscolos chi current in caminos e costeras 2. cussu bagasseri bos giuro chi ndhe ghirat chin s'iscolu! Traduzioni Francese tuyau d'écoulement Inglese slap, drain Spagnolo sangradura, heces, lías Italiano scólo Tedesco Abfluß.

manchína , nf: manghina Definizione oru de istrada, genia de cora, fintzes a incodau, ororu de is istradas po arregòllere s'abba próina a manera de no fàere dannu, fossos, in s'istrada Sinonimi e contrari banchina*, coleta, coneta Frasi faghent sas doas in sas manchinas de sos istradones pro sos fogos ◊ fit aggoglindhe erva in sas manghinas de s'istradone ◊ in cudha furriada, sa màchina in sa manchina e sas manos in pilos! Cognomi e Proverbi smb: Manchia, Manchina Traduzioni Francese caniveau, rigole Inglese drain Spagnolo cuneta Italiano cunétta Tedesco Gosse, Straßengraben.

sultzíre , vrb: sulzire, surtzire, surzire Definizione arregòllere prus che àteru abba o cosas deasi a suspidura, pigare a suciadura impare cun s'ària, o fintzes suspire cun istràciu Sinonimi e contrari aciupae, assuspiri, imbibbiri, inciupai, sulviare, surbare 1, surbiri, suspiare Frasi su terrinu asciutu si sultzit s'abba ◊ che li at sulzidu su sàmbene ◊ sezis torrados, che prima inganados de nos surzire meudhos e brios (T.Rubattu)◊ sas súrviles sas venas de su coro ti ant surzidu ◊ píberas che custas belenosas li surzint su coro e s'arguena Traduzioni Francese absorber Inglese to drain, to absorb Spagnolo absorber Italiano emúngere, assorbire Tedesco absaugen, aufsaugen.

«« Cerca di nuovo