Ditzionàriu in línia
de sa limba e de sa cultura sarda

bànzu 1 , nm: vanzu 1 Definizione cropos a meda giaos a unu, o a un'animale, po su male chi at fatu, po dh’obbrigare a calecuna cosa / leare, dare, pitzigare b. = pigai una surra, surrai Sinonimi e contrari addibbonzu, apiossa, arruciada, cabossa, carda, dobbe, mazadina, pista, surra Frasi isse at fatu buldellu e tandho li ant dadu unu cantu de banzu ◊ banzu ti pítzigo, mih, si mi che artérias! ◊ banzu che àinu in domadura li dao, si at fatu cussa! ◊ si no andhas a su cumandhu leas banzu, oe! Traduzioni Francese volée de coups de bâton Inglese beating Spagnolo paliza Italiano bastonatura Tedesco Prügeln.

batidúra , nf Definizione su corpare, su iscúdere, ma mescamente nau de iscritura a màchina Sinonimi e contrari corpadura, matzucadura Traduzioni Francese coup Inglese beating Spagnolo tecleado Italiano battitura Tedesco Schlagen, Tippen.

magiadúra , nf: malladura, mazadura, mazatura Definizione su magiare, pistare a màgiu (es. fintzes su linu, sa fae, su chígere); manera de crastare is tentòrgios po dhos fàere a boes domaos, a pistadura a màgiu Sinonimi e contrari mallamentu, pista, pistadura / cdh. maciatura 3. a mazadura si ndhe iscútinat sa landhe e fintzas s'olia (ma chentza pistare tropu s'àrbure) Etimo srd. Traduzioni Francese rossée, raclée Inglese beating (up) Spagnolo el machacar, paliza Italiano pestàggio Tedesco Schläge.

matzucàda , nf Definizione su matzucare, su iscúdere a matzucu, a fuste Sinonimi e contrari banzu 1, matzocadura, mazada, mazadina, mazucada, surra Frasi sas matzucadas a s'àinu li benint che incumandhadas, candho est reberde Etimo srd. Traduzioni Francese coup de bâton Inglese beating Spagnolo bastonazo, leñazo Italiano bastonata Tedesco Stockschlag.