Legenda Abbreviazioni | Legenda Simboli

amànsciu , nm Definizione manera de fàere cun s'àteru, delicadesa, crabbu Sinonimi e contrari delicadesa, garbu, garbosidadi Traduzioni Francese amabilité Inglese courtesy Spagnolo amabilidad Italiano garbatézza Tedesco Liebenswürdigkeit.

chíschiu , nm Definizione manera de fàere, de si cumportare cun educatzione, cun crabbu, cun delicadesa / a bonu c. = cun amore, de bona manera, cun grabbu Sinonimi e contrari educascione Frasi a sas primas rosinas de s'atonzu su massaju, chin su punzu atarjau, chin chíschiu sèmenat su trídicu ◊ as fatu barbacana chin sas ungras in narbones raspitzos barbatandhe sa terra a bonu chíschiu (G.Piga)◊ sa zente morit priva de cada bene, e nois, chene chíschiu perunu, pessandhe a míseras cantonedhas… Etimo srd. Traduzioni Francese éducation, amabilité Inglese education, courtesy Spagnolo educación, cortesía Italiano educazióne, creanza, cortesìa Tedesco Erziehung.

cumpiaghéntzia , nf: cumpragénsia, cumpragéntzia, cumpraxéntzia Definizione su cumprire cun sa gente cun is àteros; s'imbisita de su babbu de su pipiu batiau a is nonnos / fai una cosa po sa cumpraxéntzia = tantu pro s'iscusa, pro tupare sa buca a ccn. e no dare it'e nàrrere Frasi at erriciu su nebodi cun pagu cumpragénsia ◊ immoi citudí e donadhi cumpraxéntzia! (B.M.Aresu) Etimo srd. Traduzioni Francese complaisance Inglese courtesy Spagnolo complacencia Italiano compiacènza Tedesco Gefälligkeit.

gàrbu , nm: crabbu, grabbu Definizione su tratu in su fàere, bonu o malu chi siat; nau de cosa, chi si assimbígiat, chi giughet sa bisura de un'àtera Sinonimi e contrari amànsciu, assétiu, chíschiu, galania, tratu / cdh. galbu / zisa / zenia Modi di dire csn: a su grabbu = a cantu parit; èssere a grabbu bonu, malu = istare bene, male; de malu grabbu = de mala manera; èssere de malu grabbu = no zúghere grabbu; a cussu grabbu, a grabbu chi… = a cussu puntu, a puntu de… Frasi addaghi sa pessone no at grabbu cun fizos suos e cun sa muzere ti naro chi ti prenat su coro de amargura! 2. ista sicuru chi su suo za nche lu tirat sèmpere, de unu grabbu o de s'àteru ◊ a su grabbu, zuchent idea de noche imbèrghere a gherrare! ◊ impessu aiant lebau oru de sa cumbeniéntzia, sos ricos si fint boliaos in su grabbu chi lis fit prus in deretu ◊ leat s'imbóligu e lu betat subra de sa mesa a malu grabbu 3. sas cartzetas chi mi at fatu zughent su grabbu de unu sacone! 4. e sorres tuas, su pitzinnu, a grabbu bonu sunt? 5. fachiat sa medichina a cada grabbu de maladia 6. fit abesu a su malu colare, ma che a sa borta non si fit bidu isporau a cussu grabbu ◊ fint ifustos a grabbu chi gutziaint abba de donni chirru Etimo itl. Traduzioni Francese politesse, amabilité Inglese courtesy Spagnolo gracia, cortesía Italiano garbo, garbatézza Tedesco Benehmen, Liebenswürdigkeit.

«« Cerca di nuovo