Ditzionàriu in línia
de sa limba e de sa cultura sarda

annéstriu, annéstru , nm Definizione totu su chi si narat o chi si faet a unu po dh'imparare s'educatzione Sinonimi e contrari educascione, imparu, iscussada Frasi no ndhe li at dadu de annestru a su fizu e como si ndhe impudat! ◊ annéstrios e cossizos retziant babbu e fizos! (G.A.Mura) Etimo srd. Traduzioni Francese éducation Inglese education, training Spagnolo educación, formación Italiano educazióne, addestraménto, istruzióne Tedesco Erziehung, Ausbildung, Bildung.

chíschiu , nm Definizione manera de fàere, de si cumportare cun educatzione, cun crabbu, cun delicadesa / a bonu c. = cun amore, de bona manera, cun grabbu Sinonimi e contrari educascione Frasi a sas primas rosinas de s'atonzu su massaju, chin su punzu atarjau, chin chíschiu sèmenat su trídicu ◊ as fatu barbacana chin sas ungras in narbones raspitzos barbatandhe sa terra a bonu chíschiu (G.Piga)◊ sa zente morit priva de cada bene, e nois, chene chíschiu perunu, pessandhe a míseras cantonedhas… Etimo srd. Traduzioni Francese éducation, amabilité Inglese education, courtesy Spagnolo educación, cortesía Italiano educazióne, creanza, cortesìa Tedesco Erziehung.

educasciòne, educassiòne, educassiòni, educassòne , nf: educatzione, educatzioni Definizione totugantu su chi si faet po giare imparu a su cristianu, po dhi pònnere abbitúdines bonas, de cunsideru e arrespetu po is àteros puru; sa manera, is bonas maneras de fàere, de si cumportare, de pigare sa gente e is cosas Sinonimi e contrari adducatzione, annéstriu, chíschiu, imparu, pesadia Frasi chie at connotu bona educascione amat siguramente s'onestade (A.Paba)◊ bella educassioni: no tenit seti annus e fuedhat de aici! ◊ tengu prus educatzioni de fostei, ca est totu sa dí manna nendi mali de sa genti! ◊ s'educatzioni donada cun amori veru est fata de libbertadi e de frenus Traduzioni Francese éducation Inglese upbringing Spagnolo educación Italiano educazióne Tedesco Bildung, Erziehung.

lutrínzu , nm Definizione s'imparu de su catechísimu Sinonimi e contrari dotrina Frasi dae custu lutrinzu no si podet iscasciare pro perunu motivu Cognomi e Proverbi prb: natura tirat e no lutrinzu Etimo srd. Traduzioni Francese catéchisme Inglese religious education Spagnolo educación religiosa Italiano educazióne religiósa Tedesco religiöse Erziehung.

pesadía , nf Definizione manera de pesare su fedighedhu, is minores, de dhos fàere a mannos, de dhos imparare Sinonimi e contrari annéstriu, educascione, pesadoria, pesantza / ttrs. pisadia Frasi at sighidu s'onesta pesadia ipasigada in sa soledade ◊ donzunu faghet segundhu sa pesadia chi at àpidu Etimo srd. Traduzioni Francese éducation, formation Inglese education Spagnolo educación Italiano educazióne, formazióne Tedesco Erziehung, Bildung.