Legenda Abbreviazioni | Legenda Simboli

abbentàda , nf Definizione bentu chi portat fragu pudésciu, fragu meda chi si pigat agiummai coment’e chi siat una nue de bentu; idea, pentzada chi benit a conca; su abbentare, asciutare Sinonimi e contrari abbentu, abburata, afrusada, arrancu, arrasta, fiacu 1, pudescioi / meleda, seledu Frasi comente colas acurtzu leas s'abbentada de su fragu chi lassat andhare ◊ at bénnidu un'abbentada de pudidore chi no si bi podiat parare! ◊ comente ant picau s'abbentada de su pudiore ant bochinau ispaporicaos 2. li at bénnidu un'abbentada a conca!… 3. a custa robba li cheret dadu un'abbentada, ca est ifusta Etimo srd. Traduzioni Francese coup de vent, fig. vague Inglese gust of wind, stench Spagnolo vaharada, ventada Italiano zaffata, ventata Tedesco übelriechende Dunstwolke, Windstoß.

isulvilàda , nf Definizione su isulvilare; trubbada o nue de bentu, genia de sulada de animale mannu arrennegau, ifadau, coment'e ammeletzandho Sinonimi e contrari bentulada, irfrusada, sciorada / súlida, sulvilada Frasi sas fiamas, resetas in s'igerru, sunt fuidas che ànimas dannadas, e su bentu a isulviladas paret truvendhechelas a s'inferru (G.Monzitta)◊ su trau fit tota sa die a isulviladas Etimo srd. Traduzioni Francese rafale Inglese gust Spagnolo racha, ráfaga Italiano folata Tedesco Windstoß.

scioràda , nf Definizione puburedha, nue de bentu Sinonimi e contrari fúria, irfrusada, isulvilada Frasi una sciorada de bentu at obertu is fentanas Etimo srd. Traduzioni Francese rafale Inglese gust Spagnolo racha, ráfaga Italiano folata Tedesco Windstoß.

ufulàda , nf Definizione cropu de aera, de bentu; su ufulare Sinonimi e contrari irfrusada, mumada / úfulu Frasi sa nue de sa traschia che l'at zuta un'ufulada de bentu ◊ ufuladas de bentu sunt a frúschiu ◊ ufuladas de nuscos l'irfríssidant sa conca Etimo srd. Traduzioni Francese souffle, rafale du vent Inglese gust (of wind) Spagnolo racha, ráfaga Italiano sóffio, ràffica di vènto Tedesco Windstoß.

«« Cerca di nuovo