Legenda Abbreviazioni | Legenda Simboli

avócu , nm Sinonimi e contrari aficu, ispera, isperànscia, médiu Frasi pro l'azuare nos semus fintzas indepidados: ma pro isse no bi at avocu (G.Ruju)◊ pro cussu male no bi at avocu Etimo srd. Traduzioni Francese espoir Inglese hope, possibility Spagnolo esperanza Italiano speranza, possibilità Tedesco Hoffnung, Möglichkeit.

ispèra , nf, nm: ispériu, isperu, spera Definizione cosa, arresurtau, un'iscopu, o bene chi unu ibertat o pentzat de àere in su tempus benidore, genia de idea chi una cosa andhet in bonu e po cussu ponet fintzes ànimu e unu faet su possíbbile po dhue lòmpere / contipizare una i. = punnare cun contivizu a carchi iscopu Sinonimi e contrari abetu, aficu, aisetu, cabu, isperànscia Frasi o marronadore, sos isperos cucuzas in sa terra ◊ o terra mia, promissas e isperas no isetes! ◊ sunt andhados in terra istraniera, però su coro si l'ant istratzadu e l'ant a sos nuraghes intregadu imboligadu cun filu de ispera ◊ sa morte mi est lendhe sa vida e s'isperu ◊ Gesús miu istimau, donaimí unu pagu de ispera! ◊ in custu mundhu dias un'ispera a sa zenia! ◊ s'ómine tenet pro guida sos ispérios suos piús bellos ◊ e comente sa terra fiorindhe fit in dogni badhe, gai dogni coro fit de noedhu ispériu godindhe (A.Casula) Etimo ctl. espera Traduzioni Francese espoir Inglese hope Spagnolo esperanza Italiano speranza Tedesco Hoffnung.

isperài , vrb: isperare, sperai Definizione àere aficu, ibertu bonu, èssere in s'idea chi calecuna cosa arresurtet in bonu Sinonimi e contrari aficare Frasi no isperabo un'òpera mezus de custa ◊ po is méritus de Cristus podeus isperai de èssiri ascurtaus ◊ ispero de bos pòtere iscrívere ◊ isperamus chi non ghires a tardu ◊ fit isperandhe de tirare zorronada bona ◊ iat isperau de podi passai totu sa vida cun issu Etimo ltn. sperare Traduzioni Francese espérer Inglese to hope Spagnolo esperar Italiano sperare Tedesco hoffen.

isperantziàre , vrb: sperantzai Definizione giare bonos ànimos, giare isperu o ibertu bonu Etimo itl. speranzare Traduzioni Francese donner de l'espoir Inglese to give hope Spagnolo esperanzar Italiano dare speranza Tedesco jmdm Hoffnung machen.

«« Cerca di nuovo