Ditzionàriu in línia
de sa limba e de sa cultura sarda

ciuexidúra , nf Definizione su trebballu a istrecadura chi si faet a sa farra impastada Sinonimi e contrari cariadura, carionzu, ciueximentu, soigonzu, spongiadura Etimo srd. Traduzioni Francese pétrissage Inglese kneading Spagnolo amasadura Italiano gramolatura della pasta Tedesco Kneten.

ciueximéntu , nm Definizione su trebballu chi si faet a sa farra impastada preparandhodha po fàere su pane Sinonimi e contrari cariadura, cariamentu, ciuexidura, soigonzu Etimo srd. Traduzioni Francese pétrissage Inglese kneading Spagnolo amasadura Italiano gramolatura della pasta Tedesco Kneten.

cumàssa , nf, nm: acumassu, cumassu, cummassu, cummossu, cumossu Definizione css. cosa impastada, ma mescamente sa farra candho est ammesturada cun su frammentu e sueta: unu cumossu est de prus a mancu su tanti chi si podet pigare totu a una borta po dhu suighire; unu tanti, a orrugu mannu, de una css. cosa a bisura de cumossu, ma mescamente de metallos o cosas chi si podent iscagiare e cagiare (postos in d-unu mógliu) Sinonimi e contrari ammàssulu, ballone Frasi is comossos dhos trebballaus in sa mesa faendho su pane ◊ si su cumassu no si tribàgliat bene, su pane no essit bonu ◊ su cumassu cheret cariadu, oridu, incannonadu, illadiadu e picadu (N.Fadda)◊ acabore no siat custu nàrrere che cumassu chena sale?! (G.Fiori)◊ su cumossu mamma dhu fait a manu lenta 2. est bellu e arrúbiu che unu cummossu de òru ◊ totunu su cumassu, totunu su pesu ◊ est luchente che una cumassa de prata Etimo ltn. cum + massa Traduzioni Francese pétrissage Inglese kneading, ingot Spagnolo masa, lingote Italiano impasto, lingòtto Tedesco Gemisch, Massel.

cumossadúra , nf Definizione su impastare Sinonimi e contrari impastadura Frasi sa cumossadura si fait in sa scivedha Etimo srd. Traduzioni Francese pétrissage Inglese kneading (of dough) Spagnolo amasadura Italiano impastatura Tedesco Kneten.

impastónzu , nm Definizione su impastare Sinonimi e contrari impastadura, impastu Etimo srd. Traduzioni Francese pétrissage Inglese kneading Spagnolo amasadura Italiano impastatura Tedesco Kneten.

ischivèdha , nf: iscivedha, scifedha* Definizione genia de istrégiu de terra, largu meda, no tanti artu, ma cun su fundhu meda prus istrintu de is oros de pitzu, impreau mescamente po impastare o cumossare sa farra po fàere su pane Sinonimi e contrari cartina, conconedhu, cóncula, cunculina, ischiu 2, lachedhu, lacu, lebbreri, tavania, todinera Frasi che li ant furadu unu discu, unu piatu e un'ischivedha Terminologia scientifica stz Traduzioni Francese huche, maie Inglese kneading trough Spagnolo artesa Italiano màdia Tedesco Backtrog.

suetòra , nf Definizione fémina chi impastat sa farra e suighet su cumossu; màchina po impastare e suíghere Sinonimi e contrari ciuexidora, suighidora / impastadore Frasi penso a s'antiga suetora chi ponet in su pane sa madrighe Etimo srd. Traduzioni Francese pétrisseuse Inglese kneader, kneading machine Spagnolo amasadora Italiano impastatrice, gramolatrice Tedesco Kneterin, Knetmaschine.

tavanía , nf: tevania, tivania, tovania Definizione tianu de cumossare, genia de istrégiu de terra, largu meda, no tanti artu, cun su fundhu tundhu ma ladu, meda prus istrintu de is oros de pitzu, impreau mescamente po impastare sa farra faendho su pane Sinonimi e contrari conca 1, conconedhu, ischivedha, lebbreri, schivu 1, todinera Frasi sa peta, segada e posta in d-una tivania manna, si cundhit e posca s'infelchit in s'istentina Terminologia scientifica stz Etimo itl.t tefania Traduzioni Francese maie Inglese kneading trough Spagnolo artesa Italiano màdia Tedesco Backtrog.