Ditzionàriu in línia
de sa limba e de sa cultura sarda

abbatàre , vrb Definizione murigare a forte una cosa (modhe); torrare àlidu a pelea, coment'e chie portat assúpidu / pane abbatadu = pane frissu cun late e oos; ovu abbatatu = ispírit'e ou Sinonimi e contrari batulare, iscumbàtere, moricare / assolocare, assoropare, isalidare Frasi abbatare un'ou, sa majonesa 2. su cane est abbatandhe, istracu Traduzioni Francese fouetter Inglese to whip Spagnolo batir, licuar Italiano frullare Tedesco quirlen, mixen.

aciòta , nf: atzota, ciota, tzota Definizione tira longa de corria fata po iscúdere; a logos, atzota est fintzes su chirrione chi essit in s'ispiga de su moriscu Sinonimi e contrari aciotu, gigota, làtigu, passillu, tziraónia Frasi cussos meritaiant de èssere ammodhigados cun atzota, fàmine e trotza (Ptz.Mura) Terminologia scientifica ans Etimo spn. azote Traduzioni Francese fouet Inglese whip Spagnolo azote Italiano frusta, flagèllo Tedesco Peitsche.

aciotài , vrb: aciotare, atzotare Definizione pigare a cropos de aciota, iscúdere, atripare cun s'aciota, pigare a cropos; su pps. fintzes cun significau de furbu, iscofau / aciotau siast! = genia de frastimu po afuta, arrennegu, o fintzes po prexu Sinonimi e contrari aciotarai, afrustai, irbrunchiare, iscuitzare, passillai Frasi Pilatu iat fatu aciotai a Gesús ◊ atzotadu cheria deo puru su mi èssere a pes suos atrividu! ◊ su bentu est aciotandho su mare ◊ annos e séculos custa Terra atzotada est chirchendhe libbertade (G.Elies) 2. aciotaredhu, tui, ca brintas chentza de pagai! ◊ aciotau tui: pentziast ca ispetiat totu a tui e invècias nu est aici! ◊ aciotau siast e piciochedhu… nci dh’at fata sentz’e torrai súidu nudha!◊ ancu ti bia aciotau!… de ubi dimóniu ndi as bogau cussa bestimenta?! Etimo spn. Traduzioni Francese cravacher Inglese to whip Spagnolo azotar Italiano scudisciare Tedesco peitschen.

afuetài , vrb: fuetare Definizione iscúdere, pigare a cropos de foete; nau in cobertantza, tratare male, fintzes pigare a foedhos malos Sinonimi e contrari fertzire, irfoetare 2. pòberus Cristus, afuetaus, istrisonaus, cravillaus de tírria e prepoténtzia! ◊ est isciancada, tzumburuda, bisoga e sentza dentis, ma afuetat cun sa língua a totus ◊ est genti afuetada de s'abbisóngiu Etimo srd. Traduzioni Francese cravacher Inglese to whip Spagnolo azotar Italiano scudisciare Tedesco peitschen.

làticu , nm: làtigu Definizione genia de nérbiu fatu po iscúdere, po atzitzare su cuadhu Sinonimi e contrari aciota, passillu, tziraónia Frasi mi che cravant s'isprone fin'a renes, mi súlciant cun su làtigu su colzu Terminologia scientifica ans Etimo spn. làtigo Traduzioni Francese cravache Inglese whip Spagnolo fusta Italiano frustino Tedesco Reitpeitsche.

passillài , vrb Definizione pigare a cropos, atripare a passillu Sinonimi e contrari aciotai, aciotarai, afrustai, irbrunchiare Frasi bai a passillai… chi ti passillit s'arràbbiu! ◊ anchi dhu passillit sa giustítzia! Etimo srd. Traduzioni Francese fouetter Inglese to whip Spagnolo fustigar, azotar Italiano frustare Tedesco peitschen.

passíllu , nm Sinonimi e contrari aciota, làtigu, tziraónia Etimo srd. Traduzioni Francese fouet Inglese whip Spagnolo látigo, azote Italiano frusta Tedesco Peitsche.

tziraónia , nf: girónia, sirónia, tzirogna, tzirónia, zirógnia Definizione tira longa de corria, po iscúdere, fata de córgiu de pegus de bulu, intéssia Sinonimi e contrari aciota, làtigu, nébriu, passillu Etimo srd. Traduzioni Francese fouet Inglese whip Spagnolo látigo Italiano staffile, frustino Tedesco Peitsche.