Ditzionàriu in línia
de sa limba e de sa cultura sarda

binicótu , nm: binigotu, binucotu Definizione súciu de àghina o de frutuàriu (mescamente figumorisca) postu a budhire e torrare finas chi essit cagiau, po fàere druches Sinonimi e contrari saba Frasi cullimus ficumurisca ca fachimus su binicotu ◊ bonu su binicotu de ficumurisca, ma prus bonu su chi fachent dae s'àchina ◊ eus cuncordau sa turta fata cun binigotu ◊ in s'impastu po is pabassinas cantu binigotu ponit? Terminologia scientifica mng Etimo srd. Traduzioni Francese verjus Inglese cooked wine Spagnolo arrope, mosto cocido Italiano sapa Tedesco Most.

binitólu , nm Definizione binu de pagos grados de àrculu, lenu Sinonimi e contrari binichedhu, piriciolu Etimo srd. Traduzioni Francese petit vin, piquette Inglese light wine Spagnolo vinillo Italiano vinèllo Tedesco leichter Wein.

bínu , nm: vinu Definizione súciu de s'àghina, postu a budhire cun sa binatza e postu in carradas, apustis chi at acabbau de budhire / min. binichedhu, nau prus che àteru in su sensu de binu lenu / su b. podet èssere: de fatura mústiu, nou, fatu, betzu, de iscupu o iscolu, de prentza; de colore biancu, craru (fintzas ocru de prédiche), ruju, niedhu; de sabore durche, bucante, ranchitzu, aspru, argu, axedu o ispuntu; de àrculu, càlidu, lenu, irbentiadu; genias o calidades de binu: cannonau, crannàcia, giogantinu, malvasia, mónica, muscadedhu, nuragus, vermentinu, arvesiniadu; b. crú = chi no li ant dadu incubonadura nudha, fatu e cracau; b. acotadu = binu prus bonu, fatu annunghindhe saba de mústiu etotu; b. chi rezet in s'ungra = callau, bonu meda Modi di dire csn: tocare su b. = comintzare, inghitzai su binu nou; bogai b. = leare binu (dae sa cuba); fàghere b. malu (nau de chini s'imbriagat)= iscúdiri, certai, fai machioris, dannus a imbriagu; èssere allegru a b. = chi at bufadu meditu; b. de féminas = lenu, de pagos grados; èssiri aciupau de b. che un'ispòngia = imbriagu pérdiu, a una feghe; assigurai su b., mudare su b. = iscolomare su binu a un'àteru isterzu pro lu lassare netu de feghe Frasi sos binos, si sunt de ua e bene contivizados, sunt bonos totu ◊ no ndhe agatas in totue binu chi rezet in s'úngia ◊ candho no at dinari pro ispèndhere, s'ànima in contu de binu diat bèndhere! (Piga)◊ cussu fuedhat a su binu che a un'amigu!◊ de candho mi fit faghindhe male, de binu no dhe so bufendhe 2. est unu bibidore, si cochet a làdhara e fachet binu malu puru Cognomi e Proverbi prb: ómine de binu, ómine de sisinu ◊ binu bonu finas a fegi Terminologia scientifica bfg Etimo ltn. vinum Traduzioni Francese vin Inglese wine Spagnolo vino Italiano vino Tedesco Wein.

cannonàdu , nm, pps: cannonatu, cannonau Definizione calidade de àghina niedha chi giaet unu de is méngius binos sardos / coment'e pps., de cannonare Sinonimi e contrari cagnolare Frasi su cannonau cosa sua si callat in s’unga! Terminologia scientifica frt, bfg Traduzioni Francese vin rouge exquis Inglese delicious wine of red quality Spagnolo garnacha Italiano vino prelibato di qualità róssa Tedesco köstliche Rotweinsorte.

carnàcia , nf: crannàcia, crannàssia, garnàcia* Definizione una calidade de àghina bianca e de binu, de is méngius binos Sinonimi e contrari varnàcia Frasi ghetadhi una tassa de crannàcia a bufai! ◊ sa crannàssia de Solarussa fait torrai su mortu a biu (G.Tuveri) Terminologia scientifica bfg Traduzioni Francese grenache Inglese white table wine Spagnolo "vernaccia" Italiano vernàccia Tedesco Vernaccia (bernsteinfarbener Wein).

iscubonadúra , nf: iscuponadura Definizione su iscupare o bogare de sa cubedina su binu ancora a mustu po dhu pònnere in is caradas Sinonimi e contrari iscupu | ctr. incubonadura Etimo srd. Traduzioni Francese décuvage Inglese drawinf off wine Spagnolo deslío Italiano svinatura Tedesco Abstich des Mostes.

iscubonàre , vrb: iscuponare Definizione iscupare, bogare su mustu de sa benatza apustis chi at budhiu unas cantu dies e pònnere in is carradas Sinonimi e contrari irmustare, iscubare | ctr. incubonare Etimo srd. Traduzioni Francese décuver Inglese to draw off wine Spagnolo desliar Italiano svinare, stinare Tedesco abstechen.

iscuponadòre , nm Definizione chie iscupat su mustu Etimo srd. Traduzioni Francese qui décuve Inglese wine drawer Spagnolo quien deslía Italiano svinatóre Tedesco Mostabzieher.

iscúpu , nm Definizione su iscupare, su ndhe bogare su binu ancora a mustu po dhu pònnere in is carradas a sighire a fàere Sinonimi e contrari iscubonadura | ctr. incubonadura Etimo srd. Traduzioni Francese décuvage Inglese drawing off wine Spagnolo deslío Italiano svinatura Tedesco Abstich des Mostes.

mustalóru , nm: mustarolu, mustatzolu, mustitzolu Definizione binighedhu lenu, mescamente su chi si faet aciunghendho abba a sa binatza chentza prentzada, apustis bogau su mustu Sinonimi e contrari binitolu, piriciolu Frasi custu mustarolu consolat sa genti sidia! ◊ unu màtulu de cosa apicadu signalaiat chi b'aiat mustatzolu a bufare ◊ a s'ómine chi est veru imbreagone deghet custu castigu: dae primu de pasare mustitzolu retiradu a presone! (F.Santoru) Terminologia scientifica bfg Etimo srd. Traduzioni Francese petit vin, piquette Inglese light wine Spagnolo vinillo, aguapié Italiano vinèllo Tedesco leichter Wein.

piriciólu, piricióu , nm: pirigiolu, piritzolu, priciolu Definizione binighedhu lenu, fatu aciunghendho abba a sa binatza chentza prentzada, pustis bogau su mustu, e lassandhodha in sa cubedina calecuna die Sinonimi e contrari binetu, binichedhu, binitolu, binuciolu, mustaloru, pició Frasi su piriciou tocat a dhu bufai innantis chi bengat tempus callenti, ca si pudescit ◊ oje, gadimassestat, toco su piritzolu! Terminologia scientifica bfg Traduzioni Francese petit vin, piquette Inglese light wine Spagnolo aguapié Italiano vinèllo Tedesco Tresterwein.