Ditzionàriu in línia
de sa limba e de sa cultura sarda

abentuài , vrb: bentulai*, ventulare Definizione fàere bentu, aera, pesare in artu cosa a manera de pigare bentu; mòvere o fàere che bentu Sinonimi e contrari ibentulai, ispagiare / isperditziai, sparessi Frasi fiat abentuendusí cun su ventàgliu ◊ custa est s'ora de abentuai! ◊ su trigu beniat trebau e abentuau 2. e cantu atrautzadas de febi sena de bentu as dépiu abentuai! Traduzioni Francese aérer Inglese to air Spagnolo aventar, airear Italiano aereare Tedesco lüften.

iscobiàre , vrb: iscopiare 1, iscoviai, iscoviare, scoviai Definizione fàere connòschere o torrare a nàrrere is cosas de is àteros, is segretos o cosas chi no si bolent o no si depent nàrrere; essire in iscóviu, a craru de totus; fàere ischire, o fintzes arrennèscere a ischire / iscobiare a ccn. = iscobèrriri calecuna cosa de ccn., calecunu segretu Sinonimi e contrari bugai 1, irmendhare, iscassetare, ispiare, lendhare / iscobèrrere Frasi naiant is brebos, ma nesciuna maista boliat iscoviare e abbarrànt segretos ◊ si fit a ti ndhe iscobiare, ndhe as furadu piús de su matzone! ◊ ant iscopiatu chi mi aiant bistu chin issu ◊ no fatzas sa trassera, ca mi dh'ant iscoviau! ◊ cun su tempus s'iscóbiat dogni cosa ◊ su sonu de sa campana iscóbiat totu ◊ sa cosa no depet essire a campu, no dha depes iscoviare a nemos! ◊ no podides sighire a s'acua, bois: una die o s'àtera bos podent iscobiare 2. ca iat passau sa note imbriagu dh'iscoviàt su nasu, orrúbiu che unu chibudhu mascu 3. sunt custas sas novas seguras chi so reséssidu a iscobiare de sa bidha mia de àteros tempos Traduzioni Francese dévoiler, révéler Inglese to reveal Spagnolo revelar, airear Italiano spifferare, svelare, palesare Tedesco ausplaudern, enthüllen, offenbaren.

isprubbicàre , vrb Definizione iscandhaligiare, nàrrere una nova o chistione a totugantos, a sa gente peri su logu Sinonimi e contrari isbandhizare, iscandhulizire, piredhare, tamburinai, trumbitai | ctr. cuare Frasi sa birgonza chi aiat fatu bi l'at isprubbicada in dainanti de sa zente ◊ ite mi tantat chi su chi as fatu tue ti l'isprúbbico! Traduzioni Francese crier aux quatre vents Inglese to trumpet Spagnolo publicar, pregonar, airear Italiano strombazzare Tedesco ausposaunen.

lendhàre , vrb Definizione nàrrere a s'unu e a s'àteru totu su chi s'ischit chentza abbisóngiu, fintzes cosas chi iant a dèpere istare méngius chentza bandhias comente podent èssere is chistiones de domo o personales Sinonimi e contrari irmendhare, iscassetare, iscobiare, linire, sbrufulai, scolovetai, scordulai Frasi neune andhaiat a lendhare sa cosa a sos carabbineris e si calicunu si proaiat a iscobiare est ca fit un'arga de muntonarzu Etimo srd. Traduzioni Francese répandre, divulguer Inglese to spread Spagnolo contar, airear, largar Italiano spifferare, svesciare, propalare Tedesco ausplaudern.

piredhàre , vrb Definizione iscoviare totu, nàrrere totu a sa gente, in giru, nàrrere su male de s'àteru Sinonimi e contrari isprubbicare Etimo srd. Traduzioni Francese claironner aux quatre vents Inglese to trumpet Spagnolo publicar, airear Italiano strombazzare Tedesco austrompeten, ausposaunen.

tamburinài , vrb Definizione nàrrere o giare a ischire a totugantos, totue, a gente meda Sinonimi e contrari isprubbicare, trumbitai Etimo srd. Traduzioni Francese claironner Inglese to trumpet Spagnolo pregonar, airear Italiano strombazzare Tedesco ausposaunen.