Legenda Abbreviazioni | Legenda Simboli

aciapinài , vrb: ciapinare Definizione fàere is cosas a improdhu, male Sinonimi e contrari aciapuciae, aciarollai, afioncai, allarodhai, inciaputzare Etimo itl.t acciapinare Traduzioni Francese bâcler Inglese to bungle Spagnolo chapucear Italiano abborracciare Tedesco pfuschen.

aciapuciàe , vrb: aciaputzai, aciaputzare, ciaputzai* Definizione fàere su triballu o is cosas male, a improdhu Sinonimi e contrari abbaunzare, aciarollai, acoredhai, afioncai, afrochedhare 1, allarodhai, cianfainare, improdhai, inciapugliare, indrovigare Traduzioni Francese bâcler Inglese to bungle Spagnolo chapucear Italiano acciarpare Tedesco pfuschen.

aciarollài , vrb: acioredhai, aciorodhare, atzarodhai, atzoredhai, atzorodhai, atzorodhare, ciorodhai, tzarodhai Definizione nàrrere o fàere is cosas a improdhu, a s’afaiu, chentza órdine, chentza critériu, male Sinonimi e contrari aciapuciae, aciorobedhare, acoredhai, afioncai, allarodhai, impiastai, improdhai, inciapugliare, inciorodhare Frasi ite totu mi ses aciorodhendhe?! ◊ nerat, fostei, ita est atzarodhendi? ◊ abbas de funtanas anzenas mi ant aciorodhadu su sentidu…◊ ma ita ses acioredhendi, ita t’est beniu a conca?!◊ cussas féminas mi ant atzoredhau un'iaxi de cosa ma no nci apu cumpréndiru nudha! 2. las leat a s'abbratzeta, las mintet a buteghinu e si faghent che porchedhas de su totu atzarodhadas Etimo srd. Traduzioni Francese bâcler, ramasser pêle-mêle Inglese to bungle Spagnolo chapucear Italiano acciarpare Tedesco pfuschen.

acoredhài , vrb: coredhai* Definizione fàere coredhus, improdhos, cosas fatas male Sinonimi e contrari abbaunzare, aciapuciae, aciarollai, aciorobedhare, afioncai, allarodhai, ammammungiai, imprastulare, improdhai, inciapugliare, indrovigare, massipari, meldaganai Frasi ge ses pagu líchira, ge at a èssi fàuas su chi ses acoredhendi! Traduzioni Francese gâcher Inglese to mess Spagnolo chapucear Italiano pasticciare Tedesco beklecksen, pfuschen.

afioncài , vrb Definizione trebballare a sa grussera, fàere male su trebballu, cun pagu incuru o cun pagu arte, nau mescamente de unu maistu Sinonimi e contrari aciapuciae, aciarollai, aciorobedhare, acoredhai, allarodhai, ammangiucai, apunghedhare, inciapugliare, indrovigare Frasi afionca, afionca… e apustis beni a ti pagai!… Traduzioni Francese ravauder d'une façon grossière Inglese to patch up Spagnolo chapucear Italiano rinfrinzellare Tedesco verpfuschen.

afrochedhàre 1 , vrb Sinonimi e contrari aciapuciae, aciarollai, improdhai, indrovigare Traduzioni Francese gâcher, travailler grossièrement Inglese to mess up Spagnolo chapucear Italiano lavorare in modo disordinato e confusionàrio Tedesco unordentlich arbeiten.

afrodhiài, afrodhiàre , vrb Definizione fàere sa cosa chentza atuamentu, chentza tinu, foedhare a s’afaiu, cun pagu cunsideru; su si fichire in dónnia cosa chentza mancu èssere capatzos e chentza dhis interessare, istare criticandho Sinonimi e contrari abbodhetai, aciarollai, atrodhionai / cotulare, infrichiri, infruncuai, intraudhare, intraudhulare, intraugliare / criticai Frasi a afrodhiai e a nai mali de sa genti gei seis capatzas! 2. chie no at it'e fàghere s'afródhiat sempre in sos fatos de sos àteros (P.Casu)◊ cussa tzia est sèmpere afrodhiendhe e chirchendhe a chie non la chircat Etimo srd. Traduzioni Francese jaser, jacasser Inglese to chat Spagnolo chapucear, charlar Italiano ciarlare Tedesco schwatzen.

aggrucàre , vrb: aggrugare, aggrugari, aggurgare, agrugai, agrugari Definizione fàere passadas lestras, coment'e po bòlere bídere o fàere totugantu impresse impresse, chentza si tratènnere a dhu fàere bene; fintzes pònnere a grughe, atobiàresi a grughe (nau de camminos, istradas) Sinonimi e contrari atraessare, gruxai / navaciare Frasi sos corbos bolandhe aggrucant su chelu ◊ apo aggrucau totu su sartu ◊ sa chirca iscientífica at aggrugadu totu s'ispàtziu interplanetàriu cun astronaves e telescópios ◊ aggruco campos e badhes ◊ bi cheret ora petzi pro aggrucare chin s’iscopa cussa betedhe iscala! ◊ nois fimus aggrucandhe a inghíriu de sas cumbessias 2. debbadas chi mi aggrughe chirchendhe sos chi mancant dae domo! 3. pagos tzitzones furint aggrugados in sa forredha ◊ in coghina dhue aiat iscannos, botos e linna aggrugada Etimo its ad + cruc(u)lare Traduzioni Francese fouiller Inglese to scour Spagnolo despacharse, chapucear Italiano perlustrare, fare un lavóro in mòdo sbrigativo Tedesco durchsuchen, eine schleunige Arbeit machen.

calamistràre , vrb Definizione fàere improdhos, calamistros Sinonimi e contrari abbaunzare, aciapuciae, aciarollai, aciorobedhare, afioncai, allarodhai, improdhai, incalamistrare, indrovigare Etimo srd. Traduzioni Francese gâcher Inglese to mess Spagnolo chapucear Italiano pasticciare Tedesco beklecksen.

inciorodhàre , vrb: intzarodhai, intzorodhare, intzurudhare Definizione betare apare a s’afaiu, chentza critériu, fàere un’ammesturitzu de cosas diferentes, fàere un’atzorodhu trebballandho, foedhandho; fintzes isciúndhere a meda, a tropu, cosas de papare Sinonimi e contrari aciapuciae, ciorodhai, impiastai, improdhai, inciapugliare, inciobodhare Frasi ita totu est intzarodhendu cussu fac'e tontu?! Etimo srd. Traduzioni Francese gâcher, faire grossièrement Inglese to mess up Spagnolo chapucear Italiano fare pastìcci Tedesco Pfuschereien machen.

indrovigàre , vrb: indruvigare Definizione fàere sa faina male, a improdhu, a atzorodhadura, po no èssere àbbiles o fintzes ca si faet a ingannu Sinonimi e contrari aciapuciae, aciarollai, aciorobedhare, acoredhai, afioncai, afrochedhare 1, allarodhai, inciapudhare, inciapugliare, indruvinzare Etimo ltn. in + turbidare Traduzioni Francese rafistoler Inglese to patch (up) Spagnolo chapucear Italiano raffazzonare Tedesco zusammenstoppeln.

«« Cerca di nuovo