Legenda Abbreviazioni | Legenda Simboli

aposéntu , nm, nf: apusentu Definizione domo, oe prus che àteru una de is partes de sa domo, addata donniuna segundhu ite si dhue depet fàere (es. crocare, coghinare, arrecire o àteru)/ genias de a.: de letu, de coxina (o de càrama), de arriciri (sala), de sa linna, de su craboni, de manixu (ue faet a si partare a fàere faina) Sinonimi e contrari càmara, istànsia Frasi no teniant un'àteru apusentu a s'istichire ◊ a is bècius nce dhus iscàrrigant in calincunu aposentu de ispidali, is fillus! ◊ andhamus a s'apusentu nostra pro nos ciambare Terminologia scientifica dmo Etimo spn. aposento Traduzioni Francese chambre, logement Inglese lodging, room Spagnolo cuarto, aposento Italiano càmera, stanza, vano, allòggio Tedesco Zimmer, Raum, Wohnung.

bàgnu , nm: bàngiu, bànniu, bannu, banzu, vanzu Definizione su si pònnere o istare in mesu de s'abba o àteru po si samunare o ispàssiu; su pl., logu inue dhue at abbas meighinosas caentes o fintzes ludu po cura; logu, aposentedhu aintru de domo fatu adatu po si samunare e fàere de bisóngiu Sinonimi e contrari peschina Frasi semus andhados a Fordongianus a fàghere sos bagnos ◊ che sunt in mare pro sos bagnos ◊ a sa camba dhi faint bèni is bàngius de axedu callenti ◊ andhaiant a frúmmene a impojare ca no si podiant fàede su banzu in dommo 2. in Benetuti e in Sàrdara bi sunt sos bagnos ◊ bai e isciacuadí in su bàngiu de Síloe! 3. in sas domos como su bagnu lu faghent intro Cognomi e Proverbi smb: (Anzos) Terminologia scientifica dmo Etimo itl. Traduzioni Francese bain, salle de bain Inglese bath Spagnolo baño, cuarto de baño Italiano bagno, tèrme o stabiliménto termale (al pl.) Tedesco Bad, Badezimmer, Thermalbad.

càmara , nf: càmbara, càmbera, càmera, càrama Definizione parte de sa domo lassada mescamente po crocare, ma fintzes a pònnere e chistire provistas, o bona po arretzire un'istràngiu; sa mobbília po un'aposentu; assemblea de deputaos / min. cambaredha 1 Sinonimi e contrari aposentu, istànsia / saba 1 / caramoto Modi di dire csn: domos càmaras, aposentu ’e càrama = apusentus de letu; càmbara de filetu = aundi si unit su pisci de piscai; c. mortuària = aposentu de gimitóriu o de ispidali aundi lassant is mortus fintzas a ndi dhus pigai po s'interru Frasi bi at domos cun càrama a manca e càrama a destra de sa sala 2. benniant a libbras, a zuzinas, a chilos, a chentos e a misuras, pro su dinari e pro mutzigaduras de càramas, de órrios, de mesinas 3. de tzertu a su pedulianu no si lu ponet a corcare in cussos papizones de letos bagianeris chi bi at in sas domos càmaras! (M.Gattu Soddu) Cognomi e Proverbi smb: Camera Terminologia scientifica dmo Etimo itl. càmbara, camera Traduzioni Francese chambre Inglese room Spagnolo cuarto (m), habitación Italiano càmera Tedesco Zimmer.

camerèdha , nf Definizione min. de càmara, cambaredha, aposentu pitichedhu Sinonimi e contrari istantziedha Terminologia scientifica dmo Traduzioni Francese chambrette Inglese small room Spagnolo cuarto, habitación pequeñoa Italiano camerétta Tedesco kleines Zimmer.

cuàrtu , nm, agt Definizione su bàtoro unu de una css. cosa; mesura de terra: 0,10 de ètaru; mesura de istrégiu; su de bàtoro, foedhandho de cosas in órdine de númeru Sinonimi e contrari cuarteri Etimo itl. Traduzioni Francese quatrième Inglese fourth Spagnolo cuarto Italiano quarto Tedesco vierte, Viertel.

gabbinète, gabbinètu , nm Definizione aposentedhu, logu a pònnere su cómudu, a si samunare Terminologia scientifica dmo Traduzioni Francese cabinet de toilette, salle de bains Inglese toilet, bathroom Spagnolo retrete, cuarto de baño Italiano gabinétto, bagno Tedesco Toilette, Abort.

seína , nf, nm: esina, sesina, sisina, sisinu Definizione cosa de pagu valore, su mesu de unu sodhu, chimbe centésimos de su francu sardu: si narat solu in su sensu de dinare pagu Sinonimi e contrari isina Frasi finas candho ses totu tramudadu no bales bator petzos de sesina! ◊ li dao sos pagos sisinos chi tenzo, bastet chi mi che let su pitzinnu Etimo itl. sesino Traduzioni Francese chose de quatre sous Inglese half soldo, next to nothing Spagnolo chuchería, de tres al cuarto Italiano mèzzo sòldo Tedesco von geringem Wert.

«« Cerca di nuovo