Ditzionàriu in línia
de sa limba e de sa cultura sarda

cabóru , nm: caloru, caoru, carodu, coloru, coró Definizione colora puzonarza, píbera soliana, genia de animale longu longu e fine, chentza peis e ne farrancas, chi caminat illascinandho, trisinandho a egaseogas in terra (ma che artzat fintzes in is matas) e faet is oos / min. coroitedhu; coloru puzoninu = chi si mànigat sos oos, sos puzonedhos in su nidu; serrare una gianna a coloru = afacare, tambare ma chentza la serrare bene Sinonimi e contrari colobra*, tzorompis Frasi timit is calorus chi no benit a bèni! ◊ as a papai píberas e caorus me in s'inferru! ◊ sos coloros no móssigant e, si bient zente, si fuint ◊ parit ca portu corous in brenti! Cognomi e Proverbi smb: Coloru, Coloreddu Terminologia scientifica anar, coluber viridiflavus viridiflavus, c. hippocrepis hippocrepis, elaphe longissima longissima, natrix maura, n.n. cettii Traduzioni Francese couleuvre Inglese grass-snake Spagnolo culebra Italiano bìscia Tedesco Natter.

cèrpe , nm: serpe, tzerpi Definizione genia de animale longu longu chi si movet fruschinandho e illascinandho in terra; àteros animaledhos chi noghent Sinonimi e contrari colobra / arrasia, grodhe, telpe* Frasi àbbile ammuntadore, lassa sos anzones meos: piga su cerpe e s'arretulia! Terminologia scientifica anar Traduzioni Francese serpent Inglese serpent Spagnolo serpiente, culebra Italiano sèrpe Tedesco Schlange.

colòbra , nf, nm: colora, colovra, colovru, colóvuru, cólubru Definizione coloru pigionàrgiu, pillonadori, tzerpe longu longu, chi andhat trisinandho in terra a egaseogas o a brínchidos puru: su coloru de monte est prus piticu e a logos dhi narant Tziu o Mastru Predu; su fedu nou naschit a oos / genias de c.: c. de abba, c. puzonarza Sinonimi e contrari caboru, serpe, serpente, tzorompis / ttrs. curora Modi di dire csn: ischirchinàresi che c. = mòeresi che a una colora tenta a sa coa, chi si allórigat e s'iscútinat, totu; andhare, colare a colobrinu = a egas e a ogas, totu a furriadas, a biraorba Frasi una rana si ch'est intrada, a isporrónchios de assustru, a sa gorgobena de una colobra ◊ s'abba bos est fachenne a sàmbene de colovra: vinu bi cheret! ◊ in su sede de su trigu sardaresu no bi rupiat mancu sa colora 2. est totu a molinadas che colobra ◊ portat su sàmbene fritu che colovra ◊ m'intano che colora e mancu a fumu de istratzu m'iscotant! ◊ mi pínnigo che una colora ◊ s'istrada fit intorticata che colovra Terminologia scientifica anar, coluber viridiflavus viridiflavus, c. hippocrepis hippocrepis, elaphe longissima longissima, natrix maura, n. n. cettii Etimo ltn. *colobra Traduzioni Francese couleuvre Inglese serpent Spagnolo culebra Italiano biacco, sèrpe Tedesco Schlange.

píbara , nf: píbera, pípara, pípera Definizione genia de arrasia velenosa chi assimbígiat a su coloru, ma chi no si agatat o no faet in Sardigna: is chi si agatant funt su coloru de abba o tartza (p. de arriu, de àcua, de modhe: natrix maura) e un'àteru coloru mannu chi faet fora de s'abba (p. de sicu, de soli, soliana, coluber hippocrepis); est animale sèmpere pigau a paragone po gente mala / sulai che píbera = furriàresi male arrennegados, arrespòndhere a boghes Frasi che píbera chi pistu li ant sa coa ti boltas a sa tzega a mossigare (P.Porcu)◊ sunt che píberas de sicu ammanitzendhe trobeas pro afunare ideas e fadigas ◊ no ti tzachis, ca paris una píbara! ◊ nàsciu, suat che una píbara! ◊ ferenandhe che píbera, cumintzat a boghes contras a su fizu ◊ arrebbugia, candu dha fuedhas si fúrriat comenti a una píbara! Terminologia scientifica anar, natrix maura, coluber hippocrepis Etimo ltn. vipera Traduzioni Francese vipère, couleuvre sarde Inglese viper, grass snake, sardinian coluber Spagnolo culebra viperina, culebra de herradura Italiano vìpera, bìscia viperina, còlubro sardo Tedesco Ringelnatter, Hufeisennatter.

tàrtza , nf Definizione píbera de abba, genia de coloru pitichedhu chi in istade faet abbitu meda a mesu de s'abba po cassare arranedhas, pische o àteru a papare Sinonimi e contrari idru, lircis, lurtzi Terminologia scientifica anra, natrix maura Etimo srdn. Traduzioni Francese couleuvre à collier Inglese grass snake Spagnolo culebra viperina Italiano bìscia viperina Tedesco Natter.

tzorómpis , nm: tzorrompi Sinonimi e contrari agilestru, atalighelte, caixedha, coxueta, lucesti, sintzirigheta, talaerta, tilicherta / caboru, colobra Terminologia scientifica anar Etimo srdn. Traduzioni Francese lézard, couleuvre Inglese lizard, grass snake Spagnolo lagartija, culebra Italiano lucèrtola, bíscia Tedesco Eidechse, Natter.