Legenda Abbreviazioni | Legenda Simboli

moltàza , nf: mortalla, mortàrgia, mortarza, mortaxa, mortaza Definizione morte de gente o de animales a meda po maladia mala; a logos dhu narant a su fedighedhu, funt is piciochedhos Sinonimi e contrari morimenta, mortalidade, moltina / fedu, pisedhina Frasi sa mortalla de sa spaniolla fiat in su dexiotu ◊ no iscia de custa mortàrgia, mischinus: bollit nai ca ndi est morendu dónnia cida! ◊ in cuile bi fiat sa mortarza e sas berveghes fint morindho Etimo ltn. mortalia Traduzioni Francese mortalité Inglese mortality Spagnolo mortandad Italiano mortalità Tedesco Sterblichkeit.

moltína , nf: mortina, murtina Definizione maladia mortale chi leat a gente o animales a meda Sinonimi e contrari mortalidade, mortalla Frasi in parte bi semus rimediendhe a sa moltina de su bestiàmine ◊ contipitzabat unu grústiu de crapedhas, ma sa murtina cad'annu lias ispistidhabat ◊ comporaes unu grústiu de porcos e una chedha de berbeches, assumancu si si ghetat sa murtina a unu parile bos sarbaes chin s'àteru Etimo srd. Traduzioni Francese épidémie (de peste etc.) Inglese plague Spagnolo pestilencia, mortandad Italiano pestilènza Tedesco Pest, Pestilenz.

mortalidàde, mortalidàdi , nf: mortilidade Definizione morte de gente o de animales a meda po maladia mala Sinonimi e contrari moltaza, murtina, santacida Frasi mortilidade, gherra e caristia: a sos ses annos cussa fit s'iscola…◊ sa mortilidade un'annu at ispérdidu sos porcos Etimo itl. mortalità Traduzioni Francese grande mortalité (due à une épidémie) Inglese murrain, epidemic Spagnolo mortandad Italiano morìa Tedesco Massensterben.

santacída , nf: santatzida Definizione dannu mannu a su bestiàmene, mortu a bochidura o fintzes de maladia mala; carraxu, burdellu mannu cun boghes e tzérrios Sinonimi e contrari degógliu, mortalidade / abbatúliu, biuldu, budrellu, carralzu, chimentu, intatzida* 2. candho andhaimus a iscola, isetendhe a intrare bi fit sa santatzida: bi naschiat murrunzos, istrampadas, punzos e àteru Traduzioni Francese massacre d'animaux par vengeance, mortalité Inglese beasts slaughter by revenge or murrain Spagnolo mortandad de reses Italiano strage di béstie per vendétta o moría Tedesco Tiermassaker (aus Rache oder Seuche).

«« Cerca di nuovo