Legenda Abbreviazioni | Legenda Simboli

moltína , nf: mortina, murtina Definizione maladia mortale chi leat a gente o animales a meda Sinonimi e contrari mortalidade, mortalla Frasi in parte bi semus rimediendhe a sa moltina de su bestiàmine ◊ contipitzabat unu grústiu de crapedhas, ma sa murtina cad'annu lias ispistidhabat ◊ comporaes unu grústiu de porcos e una chedha de berbeches, assumancu si si ghetat sa murtina a unu parile bos sarbaes chin s'àteru Etimo srd. Traduzioni Francese épidémie (de peste etc.) Inglese plague Spagnolo pestilencia, mortandad Italiano pestilènza Tedesco Pest, Pestilenz.

pestulèssa, pestuléssia , nf Definizione maladia mala apicigosa chi s'ispraghet e cundhit gente meda; in cobertantza, css. cosa mala meda, dannosa Sinonimi e contrari apesta 2. a bias pariat una beneissone, àteras una pestulessa ◊ cudhu portale timiu e rispetau… como si frimmant medas pro pissiare comente a unu restu de pestuléssia! Etimo spn. Traduzioni Francese épidémie Inglese pestilence Spagnolo pestilencia Italiano pestilènza Tedesco Pestilenz, Verderben, Unheil.

pistoléntzia, pistoléssia , nf: pistuléntzia, pistuléscia, pistulessa, pistuléssia Definizione maladia mala chi pigat a gente meda e, in cobertantza, fainas o òperas malas, cosa púdida, pudidore, gente botosa, ifadosa, malafatora; fintzes cosighedha de pagu contu ma ifadosa, fintzes bodheta, tragàgiu, male chi si narat de s'àteru Sinonimi e contrari pestulessa*, pistulia / pistinzone, tragàgiu Frasi in s'impestantu chi bi aiat pistuléscia, sas bidhas de acurtzu ant dissinzadu de fàghere una bidha noa ◊ ambos duos si aiant apompiatu a su chi nche aiat bómbitu su frastinzu e si li fint iscostiatos pariat chi giuchiat pistulessa mala ◊ s'arbeghe est unu paru delicadu: dhi atacat dogna pistuléntzia 2. mi labo sa cusséntzia gàrriga de pistoléssias e de benenos ◊ su mundhu est malu, bramat sa pistoléssia ◊ fit unu bandhiu imputau de furas e de àteras pistuléssias ◊ s'airabat, ripitiat cudha prumissa, si garrigabat de pistuléssias ma no cambiabat nudha ◊ siéntzia traitora chi bendhes pistuléntzias! 3. custas sunt pistuléssias, no cosas de pònnere in contu! ◊ cun pobidha mia brigaus dógnia die po sa pistuléntzia sua! Traduzioni Francese épidémie Inglese pestilence Spagnolo pestilencia Italiano pestilènza Tedesco Pestilenz.

«« Cerca di nuovo