Legenda Abbreviazioni | Legenda Simboli

chinghédhu , nm: cignedhu, cingedhu, cinghedhu, singedhu Definizione tira de cosa, mescamente de pedhe, cun sa tíbbia, o fintzes codriola de acapiare in chintzu, chintórgiu; oru de telu de lana Sinonimi e contrari chintòglia, chíntula, lorita, tzinta / tzíngulu Frasi in su chinghedhu portaiat s'ortigione cun sa màniga trabballada (R.Sardella)◊ mannoi iscudiat a cinghedhu ◊ tzia mi at curtu a chinghedhu ◊ acabbadha, citidi e bufa ca ci no seo piganno su cignedhu! Traduzioni Francese lacet, cordon, ruban Inglese small belt Spagnolo oruga Italiano cìntolo, cìngolo Tedesco Band, Raupenband.

cíngulu , nm: tzíngulu Definizione genia de tira larga a cadena, a bisura de fasca, tra orroda de ananti e de asegus de unas cantu màchinas (tratore, carrarmau) po arrèschere de prus in terra Traduzioni Francese chenille Inglese track Spagnolo oruga Italiano cìngolo Tedesco Raupenband.

rúca 2 , nf: arruga, erruca, ruga Definizione genia de bobboi (upm), longhitu, chi naschit de sa cria chi ponet su calagasu: a bortas pilosu, papat mescamente unas cantu erbas (càule, arruca), si papat sa fògia Sinonimi e contrari berruca, cucurra, erruca, farruga, gremédhiche 1, mamarúcola, mamaruga, orruca, ruda 1, rugaruga Modi di dire csn: pische de sa ruca = istúgiu de calagasu (itl. crisàlide); famidu che ruga = famidu meda Frasi si sa ruga si ponet a rugare distruet totu! ◊ innantis sa mariposa fit ruca e andhabat trasinendhe chirchendhe erbuzu a manicare ◊ su seisei biancu ponet sa cria in su càule e faghet sa ruga ◊ sa ruga apustis diventat pupa ◊ sa foza noa de sos suerzos si l'at manigada sa ruga Terminologia scientifica crp Etimo ltn. eruca Traduzioni Francese chenille Inglese caterpillar Spagnolo oruga Italiano bruco Tedesco Raupe.

tzíngulu , nm: cíngulu Definizione cordone chi su preide acàpiat in chintzu in pitzu de s'alba o càjamu; genia de tapeto (o fasca chi acàpiat s'orroda de ananti e de apalas) a inghíriu de is orrodas de unas cantu màchinas, totu a dentes, de ferru Sinonimi e contrari chinghedhu Traduzioni Francese chenille Inglese caterpillar, cincture Spagnolo cíngulo, oruga, llanta articulada Italiano cìngolo Tedesco Raupenkette.

«« Cerca di nuovo