Legenda Abbreviazioni | Legenda Simboli

chilivrída, chilivrína , nf Definizione farinedhos de pane Sinonimi e contrari carafúndhula, chilívriu, figrinu, fria, mica, murichia, palfaruza, paparida 2. candho sas chilivridas de sa vida ant a rúere in su riu de sa morte, no timas! Etimo srd. Traduzioni Francese miette Inglese crumb Spagnolo miga Italiano brìciola di pane Tedesco Krümel.

fafarúza , nf: faifanuza, faifaruza, fanfaruza, farfarunza, farfaruza, fasfaruza, frafalluza, frafaruza, fuifunuza Definizione farinedhos de pane, de cosas de papare, o de àteru orrugau o pistau a piticu che fúrfure Sinonimi e contrari arrogalla, biculaza, cífrinu, farinatza, farrutza, filchinida, fratamuza, grastamaza, murichia, palfaruza, paparida, piciualla, pispisa, romasiza, tzimuca, vèglia Frasi che frommija, regòglio e arribbo farfaruzas de fresa chi ant sabore de sale ◊ si at falau unu bolu mannu de bufurarjos in su piatzale cuscuzandhe fasfaruzas ◊ famios, si ant papau finas sa fanfaruza 2. commo cudha manu balente isetat a trémula farfaruzas de dolu ◊ pruite ti matanas candho ischis chi sa vida est farfaruza de tempus? Etimo srd. Traduzioni Francese miette Inglese crumb Spagnolo miga Italiano brìciola Tedesco Krümel.

faniàlla , nf: fenialla, finialla, firinalla, frignalla, frinialla Definizione orrughedhos de pane, cosighedha coment'e farinedhos chi abbarrant de cosa matuca Sinonimi e contrari afrantzuchena, arremusulla, arrogalla, biculaza, chirchiza, cífrinu, fafaruza, farenàgia*, farrutza, firina, fratamuza, frataza, paparida, piciualla, pispisa, tzimuca Frasi apu a pediri a is istedhus una firinalla de s'eternidadi insoru (T.Cardia)◊ a su papagallu dhi donaus unu paghedhu de frignalla de pani Traduzioni Francese miette Inglese crumb Spagnolo miga Italiano bríciola Tedesco Krümel.

pibinída, pibinídu , nf, nm: pipinia, pipinida, pipinita, pipinitu, pivinida Definizione orrughedhu piticu, cosa fine fine, fintzes sèmene / avb.: a pibinida = cun ispédhiu, scinitzu, furighedha Sinonimi e contrari cantzichedhia, filchinida, paparida, pimpiredhu, pimpirida, pípinu, pipitza, pitzuedhu, pravina, uchedhu Frasi sos puzones sunt chirchendhe granu o pipinitas ◊ su cane fit a cascos in s'isetu de calchi pibinida ◊ bi at teracos bendhèndhesi pro bator pipinias! ◊ de su pane ndhe collit fintzas sa pibinida ◊ no de frichinaza, no bi at mancu pibinida de pane! 2. a cussa zòvana la cheret a pibinida ◊ za ses pagu a pibinida! Etimo srd. Traduzioni Francese miette Inglese tiny bit Spagnolo miga, pedacito Italiano brìciola, minùzzolo, pepita Tedesco Stückchen, Bröckchen.

pimpirída , nf, nm: pimpiridu, pimpirina, pimpirinu 1 Definizione orrughedhu piticu de css. cosa: pimpirinu a logos est fintzes bubburuchedha abbruxada o prus assada in su pane de fresa / fai, segai, segaisí a pimpirinas; no nci nd'at p. = no bi ndh'at nudha Sinonimi e contrari biculedhu, filchinida, friginida, imbratu, murichia, palfaruza, paparida, pibinida, pimpidalla, pistàgia, pipitza, pitzuedhu, pravina, scirina, soluvrinu, uchedhu Frasi fraitzu, dhu fatzu in centu e unu pimpiridu! ◊ in terra dhui at unu pimpiridu de pani ◊ si sunt ghetados che canes a s'oledu e in pag'ora no bi ant lassadu pimpirida ◊ gheta unu pimpiridu de sali a s'insalada! ◊ capit in d-unu pimpirinedhu de paperi Etimo srd. Traduzioni Francese miette, bribes Inglese bit Spagnolo migaja, añicos Italiano bríciola, framménto, infinitèsimo Tedesco Stückchen, Bruchstück, winziger Teil.

«« Cerca di nuovo