Legenda Abbreviazioni | Legenda Simboli

abboéru , nm, nf: abbuera, buera Sinonimi e contrari boiratzu, bòrona, fumacina, nébida, néula Frasi s'abboeru imprassat su monti Etimo srd. Traduzioni Francese brouillard Inglese fog Spagnolo niebla Italiano nébbia Tedesco Nebel.

nébida , nf: nébide, nébidi, nébira, népida 1, népide, népira Definizione nues de vapore no meda cracu chi calant e istant bàscias bàscias, o si pesant e istant bàscias in sa terra o fintzes in logu de lagu; genia de dificurtade chi no lassat bíere o cumprèndhere bene sa cosa o chistione comente est Sinonimi e contrari abboeru, boiratzu, bòrona, fumacina, néula Frasi sigheint s'aronzu in mesu a sa nébida ◊ su fumu essiat che nébida dae sas cobelturas ◊ candu cudha fut acanta de arribbai si est formara custa nébira e no si est bia prus ◊ s'ischidat tra sa népida bianca sa terra de malària penosa (A.Casula)◊ sa nébide at afumau totu su trigu ◊ de is tres de chitzi si cumentzat a betai sa nébida 2. tra noso e sa beridade sas nues e sa népide no che depent èssede! (L.Pisano)◊ su binu fiat faendho efetu e dhi pariat calandho sa népida, in ogos portaiat pibiristas de prumu Terminologia scientifica tpm Etimo srdn. Traduzioni Francese brouillard Inglese fog Spagnolo niebla Italiano nébbia Tedesco Nebel.

néula , nf: néura Definizione nues de vapore de abba no tanti cracu chi calant bàscias bàscias in sa terra o fintzes in pitzu de s'abba; foedhandho de matas e pruschetotu de erbas (laores), genia de maladia, coment'e narba niedha (Tilletia caries), chi dhis ponet e dhos guastat Sinonimi e contrari abboeru, boiratzu, bòrona, nébida, neulore / gurtizone Modi di dire csn: néulas giagadas a pighe = néula russa, nébida aici meda chi no lassat biri nudha; n. de abba, de sole = nébida chi si fúrriat a pròiri, chi si fúrriat a soli (chi isparessit comenti àrtziat su soli); issacare n. = pistai àcua, fai cosas debbadas; n. de sos ocros = napa; èssere prenos de n. = totu barra, bantaxeri, creitosu chentza sustàssia Frasi in montes si est betendhe sa néula ◊ candho si betat sa néula carca est malu a bídere, atesu ◊ custa est néula chi comente essit su sole che la pesat dereta Terminologia scientifica tpm Etimo ltn. nebula Traduzioni Francese brouillard, nielle Inglese fog, smut Spagnolo niebla, niebla, caries, tizón Italiano nébbia, gólpe Tedesco Nebel, Steinbrand.

«« Cerca di nuovo