Ditzionàriu in línia
de sa limba e de sa cultura sarda

creadúra , nf: creatura, criadura, criatura Definizione pipiu cantu prus piticu, siat de naschidórgiu e fintzes prus matuchedhu de pagos annos Sinonimi e contrari criatone, criu / cdh. stedhu 1 | ctr. mannu Frasi sa fémina est ràida e sa criadura est comintzandhe a s’ingendrare ◊ no si cumprendhet si cudha creatura morta fiat de lompimentu ◊ sa cojada noa at tentu criadura ◊ sas criaduras cherent azuadas ca no si abbalent ◊ a cumandhos gai no mandhes criaduras: bi cheret zente cabosa! ◊ cussas criaturas sunt adduradas òrfanas ◊ a criaturas etotu imparaimis sas fainas Etimo itl. creatura Traduzioni Francese nouveau-né, enfant Inglese newborn, toddler Spagnolo criatura Italiano neonato, piccino Tedesco Neugeborene, Baby.

criédhu 1 , nm Definizione min. de criu, criaduredha pitica, pipiu de naschidórgiu Sinonimi e contrari creadura, pitzinnu Frasi sa mama at picau su criedhu e liu at aporriu, a su babbu ◊ chi abarrabas criedha mi credia candho astrinta a su petus ti ninnabo Traduzioni Francese nouveau-né Inglese newborn Spagnolo recién nacido Italiano neonato Tedesco Neugeborene.

spogliédhu , nm, nf: ispolliedhu*, spolliedha Definizione ispolliedhu, s'atzivu, totu su bestimentu de su pipiedhu: camisola, giponedhu, pannitzu, latzada, cambúsciu, e àteru Sinonimi e contrari ammanitzu, ispòglia, spóliu Terminologia scientifica bst Traduzioni Francese layette, trousseau Inglese layette Spagnolo canastilla Italiano corredino da neonato Tedesco Babyausstattung.