creadúra , nf: creatura, criadura, criatura Definitzione pipiu cantu prus piticu, siat de naschidórgiu e fintzes prus matuchedhu de pagos annos Sinònimos e contràrios criatone, criu / cdh. stedhu 1 | ctr. mannu Frases sa fémina est ràida e sa criadura est comintzandhe a s’ingendrare ◊ no si cumprendhet si cudha creatura morta fiat de lompimentu ◊ sa cojada noa at tentu criadura ◊ sas criaduras cherent azuadas ca no si abbalent ◊ a cumandhos gai no mandhes criaduras: bi cheret zente cabosa! ◊ cussas criaturas sunt adduradas òrfanas ◊ a criaturas etotu imparaimis sas fainas Ètimu itl. creatura Tradutziones Frantzesu nouveau-né, enfant Ingresu newborn, toddler Ispagnolu criatura Italianu neonato, piccino Tedescu Neugeborene, Baby.

criédhu 1 , nm Definitzione min. de criu, criaduredha pitica, pipiu de naschidórgiu Sinònimos e contràrios creadura, pitzinnu Frases sa mama at picau su criedhu e liu at aporriu, a su babbu ◊ chi abarrabas criedha mi credia candho astrinta a su petus ti ninnabo Tradutziones Frantzesu nouveau-né Ingresu newborn Ispagnolu recién nacido Italianu neonato Tedescu Neugeborene.

spogliédhu , nm, nf: ispolliedhu*, spolliedha Definitzione ispolliedhu, s'atzivu, totu su bestimentu de su pipiedhu: camisola, giponedhu, pannitzu, latzada, cambúsciu, e àteru Sinònimos e contràrios ammanitzu, ispòglia, spóliu Terminologia iscientìfica bst Tradutziones Frantzesu layette, trousseau Ingresu layette Ispagnolu canastilla Italianu corredino da neonato Tedescu Babyausstattung.

«« Torra a chircare