Legenda Abbreviazioni | Legenda Simboli

achitài , vrb Definizione giogandho a biliardu, cumenciare su giogu, tirare su primu cropu Traduzioni Francese donner l'acquit Inglese to lead off Spagnolo abrir el juego Italiano acchitare Tedesco den Ball aussetzen.

arrumbuladòri , nm Definizione cosa tundha, chi orrúmbulat, chi andhat a cadhinadura, mescamente una genia de giogu Sinonimi e contrari boce Etimo srd. Traduzioni Francese ballon Inglese ball Spagnolo balón, pelota Italiano pallóne Tedesco Ball.

bigiadórgiu , nm: billadroxu, bizadolzu, bizadorzu, vitzatógliu Definizione su istare ischidaos a giare atentzione a calecuna cosa (po malu o po bonu)/ fàghere bizadolzu = abarrai iscidus Sinonimi e contrari billa, billamentu, billóngiu, bizadura Frasi ballos e bizadolzos ant lassadu ◊ si est isparta sa boghe chi bi aiat bizadolzu e acudit sa zente: una bella divertida! ◊ su bizadorzu de Missa de pudhu ◊ si faiat bigiadórgiu cun ballos e cantadores po sant'Antoni Etimo srd. Traduzioni Francese veille Inglese vigil Spagnolo vela, velada Italiano véglia, veglióne Tedesco Wache, Ball.

bòce , nf: bòcia, botza, bròcia Definizione genia de cosa tundha, buida, isférica, de pedhe o gomma surbada, prus che àteru po giogare a fúbbalu; a logos bòcia est sa pícula o ballina / min. botzedha (= fintzas birilla), bocita; bòcia arrungiosa = aràngiu arrungiosu (Maclura pomifera); bòcia de ispiàgia = làndiri o olia de mari (Posidonia oceanica) Sinonimi e contrari arrumbuladori, ballone / ógiu Modi di dire csn: fàgheresi a una botza (nau de farra, terra o cosas aici) = abbotzichedhare, fai a ballotas; obèrriri bèni is bòcias = abbèrrere bene sos ogros; conca de botza = conchi bóidu, pessone chentza cabu; botz'e!… (+ nm. de cosa prus che àteru tundha) = debberone!, mannu, maduru meda Frasi su pane coghindhe si ófiat fintzas a pàrrere una boce manna ◊ in cussu mundu minudu s'isprigàt coment'e in d-una bòcia de imbirdi ◊ a zogare a botza faghet bene pro si mòere ◊ semus andhendhe a giogare a bòcia ◊ sos màscios in sas bròcias no bi poniant solu nie ma fenta carchi pedra 2. cun d-unu sodhu comporaiamos deghe bòcias de téula, sas de bidru si ndhe bogaiant de sas ampullas de gazosa 3. botz'e figu, duas ti mascant! ◊ botz'e péssighe che simai ndh'apas bidu! ◊ narat botz'e fàula chi no ch'essit in cussa zanna!◊ cussa cosa est sidhada e totu a una bòcia Cognomi e Proverbi smb: Boccia, Bozza Terminologia scientifica ggs Etimo itl. boccia Traduzioni Francese ballon Inglese ball Spagnolo pelota Italiano pallóne Tedesco Ball, Fußball.

cocoròne, cocoròni , nm Definizione cosa a còcoro, css. cosa tundha, allomborada, lea de terra; essidura o ufradura de pistadura in sa carre; genia de petonadura de is pilos de sa fémina a bisura de tedile / c. de ní, de casu friscu, de cera = botza de nie, de casu, de chera Sinonimi e contrari burone, gurone / bàldile, léura / cocoroi 1, tzulumbone / ciónciu, cucajone, cucale, cuchedha, mogno, picioce Etimo srd. Traduzioni Francese boule Inglese any round body, ball globe Spagnolo bola Italiano còrpo rotóndo, palla, glòbo Tedesco Ball, Kugel.

«« Cerca di nuovo