Legenda Abbreviazioni | Legenda Simboli

arrísu , nm: errísiu, irrisu, risu* Definizione alligria chi si paret aperindho is lavras o fintzes faendho una genia de boghe a iscracàlliu, a bortas po cuntentesa, po cosas curiosas, a bortas a befa / min. arrisixedhu Sinonimi e contrari befa, bischíglia | ctr. piantu Modi di dire csn: ischiríngiu de a. = risitu; poderai s'a. = no ríere, istaresindhe de ríere; mòrriri, crepai, isbarraisí, pisciaisí de s'a. = ríere meda, itl. sbellicarsi dalle risa; faisí una passada de a. = fàgheresi una bentre o una pasta de risu; a. sen'e pisu = a fortza, chentza bi àere de ríere; a. grogu, cun croxolu = risu de malàidu (de malària), risu marigosu (pro cosas chi… bi ndh'at de prànghere); s'arrisu de is crabitus de Pasca (chi parent rindhe candho sunt mortos)= pro cosa chi dispiàghet, pro dannu; s'a. de is carrus furriaus = risu chi própiu no bi deghet, ríere pro dannu anzenu; s'a. de s'arenada arruta a terra e iscuartarada! = zenia de frastimu; èssiri s'a. de totus = èssere leados a befe de totugantos; fai una cosa candu su muenti est mortu de s’a. = tropu a irmasionu, a distempus; èssiri s'arrisu de sa genti = unu chi totugantos leant a befe, a risu Frasi no si podiat poderai a s'arrisu ◊ e benimindi arrisu candu dha bint cun su bistiri de ortigu! ◊ tui ses s'arrisu de sa genti! 2. de innòi a ti movi tui su cuadhu est mortu de s'arrisu 3. s'arrisu de tzia Bacuca, chi iat lassau is barras in sa fruca! Traduzioni Francese sourire, rire Inglese smile Spagnolo risa, sonrisa Italiano sorriso, riso Tedesco Lächeln, Lachen.

risichédhu , nm: arrisixedhu, risighedhu Definizione min. de risu, genia de errisu, ischiríngiu de errisu, apertura pagu pagu de is lavras erriendho; segundhu comente est nau, errisu meda Sinonimi e contrari risitu Frasi isse est de bonumore, sempre cun su risighedhu in laras ◊ risighedhu su chi s'at fatu, candho li apo contadu su contu… pro che troulare a terra! Traduzioni Francese sourire Inglese smile Spagnolo sonrisa Italiano sorriso Tedesco Lächeln.

risitàre , vrb Definizione apèrrere unu pagu is lavras po erríere, èssere alligru, coment'e erriendho Sinonimi e contrari arriri, risulare 2. risitat a su sole su beranu, s'isparghent sos fiores in s'arzola (L.Mudadu)◊ Paret chi no - narzeit sa Giana, risitendhe Etimo srd. Traduzioni Francese sourire Inglese to smile Spagnolo sonreír Italiano sorrìdere Tedesco lächeln.

risítu , nm Definizione ischiríngiu de errisu, errisighedhu Sinonimi e contrari risichedhu / cdh. risaredha Frasi sas laras coradhinas apenas torradas isganzant unu risitu ◊ sa mere at rispostu totu tosta, ma cun d-unu risitu ca sa pisedha aiat cumpresu sa briga Etimo srd. Traduzioni Francese sourire Inglese smile Spagnolo sonrisa Italiano sorriso Tedesco Lächeln.

rísu , nm: arrisu, errísiu, irrisu Definizione alligria chi si paret aperindho is lavras o fintzes faendho una genia de boghe a iscracàliu, a bortas po cuntentesa, po cosas curiosas, a befa; a logos est fintzes pps. / min. risichedhu, risighedhu, risedhu, risitu / genias de errisu: r. a iscàsciu, a iscracàlliu, a lódhuru (de orrúere a terra, de no ndhe pòdere prus), r. matzoninu (falsu, befandho, faendho fintas), r. de sa melagranada (su corgiolu si tzacat, totu, e faet a bíere su granu), de sos crabitos de Pasca (chi parent erriendho a buca aperta, mortos, nau cun tzacu) Sinonimi e contrari befa, bischíglia / rísidu | ctr. piantu Modi di dire csn: èssere a risu de ccn., de cada unu = èssere o fàghere a manera chi àtere si ndhe potat befare, ríere; fàghere una mata, una pasta de risu = ríere a piaghere; fuíreche su r. = no arrennèsciri a poderai s'arrisu; èssere a tróulu de risu = arriri a rúmbulu, ríere gai meda de si rúere Frasi fateit fàghere una mata de risu fentra ai cussu muduleu (N.Musso)◊ sas carrelas fint un'andha e beni de zente e de iscàscaros de risu ◊ totus si ne fachiant su risu de su travàgliu suo, ca fit merderi ◊ bae chi deo no so a risu tou e si ti abbaidaias a carrones!…◊ bidindhe cussa funtzione mi ch'est fuidu su risu ◊ za si ndhe at a fàghere de su risu bidindhe chi mi at fatu dannu e leadu in ziru puru!… 2. at risu unu pacu a malaggana ◊ deo mi ndhe fui risu Etimo ltn. risus Traduzioni Francese sourire, rire Inglese laugh Spagnolo sonrisa, risa Italiano sorriso, riso Tedesco Lächeln, Lachen.

risulàre , vrb Definizione erríere unu pagu, apèrrere unu pagu is lavras po erríere Sinonimi e contrari risitare Etimo srd. Traduzioni Francese sourire Inglese to laugh Spagnolo sonreír Italiano sorrìdere Tedesco lächeln.

scaríngiu , nm: ischiríngiu, schiríngiu, schirríngiu, sciríngiu Definizione illargada de lavras po erríere (fintzes po befa) Sinonimi e contrari arrisixedhu, scaràngiu, schirighíngiu Frasi cun su schiríngiu in lavras, pigamindi cun tui e mi siat tébidu su sinu de sa terra chi mi arricit! ◊ iat atuau is pentzamentus suus chen'e sciríngius de arrisu me is larbas (G.P.Mura) Etimo srd. Traduzioni Francese sourire, ricanement Inglese smile, sneer Spagnolo sonrisa, sarcástica Italiano sorriso, sogghigno Tedesco Lächeln, Hohnlachen.

«« Cerca di nuovo