Ditzionàriu in línia
de sa limba e de sa cultura sarda

ammonéstu , nm: ammunestu Definizione su chi si narat a unu po dhu istorrare de fàere calecuna cosa, mescamente a si cumportare bene e no fàere male Sinonimi e contrari abbisu 2, abertimentu, addochimentu, ammonestamentu, ammonissione, atisbada, consígiu, intima Frasi si l'abbiant sos ammonestos de sa mama pro l'ammaniare a parare frunte a sos istragos ◊ ite oriolu che li est ponzendhe in conca s'ammonestu chi at lézidu in campusantu! ◊ dae cuss'ammonestu at tentu sa limba sempre a frenu e a dovere Etimo srd. Traduzioni Francese avertissement Inglese warning Spagnolo amonestación Italiano mònito Tedesco Mahnung.

apretzétu , nm: pertzetu* Definizione órdine, cumandhamentu morale, cosa chi si narat a unu a fàere po totu su chi pertocat su bonu cumportamentu; genia de dovere chi incumandhat sa Crésia Sinonimi e contrari ammonestu, avelténtzia, avertimentu, ditada, prenúsciu Traduzioni Francese admonition, injonction Inglese admonition, rule Spagnolo admonición Italiano ammoniménto, precètto Tedesco Ermahnung, Mahnung.