Legenda Abbreviazioni | Legenda Simboli

idarrocài , vrb: idorrocai, irdorrocai, isdorrocai, sderrocai Definizione betare o orrúere a terra a isconciadura, nau mescamente de fràigos o àteras cosas mannas Sinonimi e contrari derrocai, destrui, irfàchere, isciarrocai, isciasciai, isciuchiare, isconciare, isciusciai, torrocai 2. si podit isciri chini est chi nci at isdorrocau cussu sciacu mannu de àcua a mesu de s'arruga? Etimo srd. Traduzioni Francese démolir Inglese to dismantle Spagnolo abatir, derrocar, derribar Italiano diroccare Tedesco niederreißen.

isciarrocài , vrb: isciorrocai, isorrocai, isorrocare, sciarrocai Definizione nau prus che àteru de fràigos, muros o àteru deasi, betare a terra o orrúere totu a una borta, distrúere totu; fuliare puru, fàere a imboladura Sinonimi e contrari destrui, idarrocai, ifàghere, isciasciai, isconciare / derrúere, irderrúere, iscalabrare, isciusciai / foliai, illichidare Frasi nci dhus est isciarrocada sa turri de Síloe e dhoi funt abarraus ◊ seus impinniaus a isorrocai su sistema chi at penalizau sa Sardínnia ◊ su muenti ndi dh'at isciorrocau is dentis a cràcinu 2. custu tzicherone de avantzos isorrocachedhu in sa séchia! Etimo srd. Traduzioni Francese démolir, abattre Inglese to dismantle Spagnolo abatir Italiano schiantare Tedesco niederreißen.

sciusciài , vrb: isciusciai* (sciu-sci-a-i) sciusciari Definizione bogare de pare, distrúere cosa o faina fata; betare a fuliadura, a meda, coment'e afacandho s'istrégiu, fintzes betare de artu, fàere orrúere a terra / sciusciai de cuadhu = betare de cadhu Sinonimi e contrari acavacai, betae, destrui, idarrocai, imbolare, irfàchere, isciasciai, isconciare, sculai, torrocai | ctr. fàchere Frasi nd'ant sciusciau una domu bècia ◊ chi dèu narau "a tuis" a mamma, mi donàt unu cropu de turra a murrus e mi ndi sciusciàt is dentis! ◊ sciusciaus su letu e totu is móbbilis po nci cambiai a sa domu noa 2. custu est carramatzímini de sciusciai a rúmbulus de innòi a bàsciu ◊ cussa cosa sciusciancedha de sa ventana! ◊ no ghetis a pagu a pagu: sciúscia! ◊ si nc'est sciusciau a gisterra ◊ sa pira crua ndi dh'at sciusciada su bentu Traduzioni Francese démolir, démanteler Inglese to demolish Spagnolo deshacer, derribar Italiano disfare, demolire Tedesco zerstören, niederreißen.

sderrocài , vrb: idorrocai*, sdorrocai Definizione betare o orrúere a terra a isconciadura, nau mescamente de fràigos o cosas mannas; rfl. betare de is orrocas Sinonimi e contrari derrocai, destrui, irfàchere, isciarrocai, isconciare, isciusciai, torrocai / imbolai Frasi su terremotu ndi at sderrocau una citadi 2. mellus cuadhu chi mi portit chi no cuadhu chi mi sderrochit ◊ nci dhu sdorrocu su bassinu a conca, chi mi nd'iscidat su pipiu! Traduzioni Francese démolir Inglese to dismantle Spagnolo derribar Italiano demolire, diroccare Tedesco niederreißen.

sdorrocadúra , nf: irdorrocadura Definizione su sdorrocai Sinonimi e contrari issussiadura, sciarrocamentu Etimo srd. Traduzioni Francese démolition Inglese dismantling Spagnolo derribo Italiano diroccaménto Tedesco Niederreißen.

strumpadúra , nf Definizione su strumpai, su betare o fàere orrúere a terra Sinonimi e contrari isdobbinada, strumpada Etimo srd. Traduzioni Francese terrassement, renversement Inglese fall Spagnolo derribo Italiano atterraménto Tedesco Niederreißen.

«« Cerca di nuovo