Ditzionàriu in línia
de sa limba e de sa cultura sarda

bantàxi, bantàxu , nm Definizione cosa chi unu narat de bonu, fintzes a tropu, de àtere o de issu etotu faendhondhe unu méritu o una balentia Sinonimi e contrari bàntidu, ispaconamentu, vantu Frasi bantaxi de fuedhus… oferta de paràulas! ◊ mi as a narri ca est bantaxi chi dhi fatzu ca mi est fradili! Etimo srd. Traduzioni Francese vantardise, fanfaronnade Inglese boasting Spagnolo alabancia Italiano millanterìa Tedesco Prahlerei.

baravàglia , nf: bravàglia Definizione manera de fàere a prepoténtzia, a poderiu Sinonimi e contrari bointia, bràglia, bravada, cogorone, iscòcoro, ispudrédhiu Traduzioni Francese bravade Inglese boasting Spagnolo bravata, baladronada Italiano bravata Tedesco Prahlerei.

blàga , nf: braga Definizione su chi si narat o si giaet a bíere coment'e bantandhosi o cuntentandhosi meda de su chi unu est o faet o tenet / braga bóida (nadu de ccn.)= palleri/pallera, chi si creit meda ma est totu presumu Sinonimi e contrari alteriu, bagianeria, barrosia, bragheria, magnosidade, morrófia, palleria, pazesa, prejumu, púdriu, spampanada / ttrs. pagliosumu Frasi cussu est unu plenu de blaga ◊ cussu lu tenet a braga a s'imbriagare! ◊ a imparanígiu dh'iant postu "Braga cagada"◊ est sèmpiri a iscupeta a codhu, ma dha portat prus po braga chi no po isparai ◊ sa cara sua si allughiat de braga pro s'abbilesa de su ghéneru ◊ sa zente bocat sa braga fachindhe tumbas de lussu in campusantu! ◊ ómines e féminas sunt a braga fata fumendhe! Cognomi e Proverbi smb: Braga Etimo itl.p blaga Traduzioni Francese vanterie, morgue, suffisance, gloriole, vanité Inglese boasting Spagnolo jactancia Italiano vanterìa, spòcchia, vanaglòria Tedesco Prahlerei.

fanfarronàda , nf Sinonimi e contrari biatzeria, càdara, càntara, làntara Etimo spn. Traduzioni Francese fanfaronnade Inglese brag Spagnolo fanfarronada Italiano smargiassata Tedesco Prahlerei.

fanfarronía , nf Definizione su èssere fanfarrones, su si crèdere e bantare tropu de fàere cosas mannas chentza èssere Sinonimi e contrari bagianeria, barrosia, barrosímini, brafantaria, fanfarroneria, pazarzeria Traduzioni Francese fanfaronnerie Inglese conceit, swagger Spagnolo jactancia Italiano boriosità, smargiasserìa Tedesco Prahlerei.

ispaconaméntu , nm Definizione su ispaconare Sinonimi e contrari blaga, bragheria, fanfarronia Etimo srd. Traduzioni Francese vantardise Inglese boasting Spagnolo jactancia Italiano millanterìa Tedesco Prahlerei.

spacàra , nf Sinonimi e contrari ispacunada, spaca Etimo srd. Traduzioni Francese morgue Inglese boasting, arrogance Spagnolo engreimiento, fanfarronada Italiano bòria, spacconata Tedesco Aufgeblasenheit, Prahlerei.

spallería , nf Definizione su èssere pageri, su cumportamentu de su pageri Sinonimi e contrari brafantaria, blaga, palleria Frasi gei at a èssiri cosa de ti tocai, sa dí de sa festa, cun totu sa spalleria chi as a portai!…◊ immoi su mundu bivit chen'e costumàntzia, ma cun prus spalleria Etimo srd. Traduzioni Francese crânerie Inglese boldness, boasting Spagnolo jactancia Italiano millanterìa, spavalderìa Tedesco Prahlerei, Keckheit.

spampanàda , nf Definizione su chi si narat o si giaet a bíere coment'e bantandhosi Sinonimi e contrari blaga, bragheria, ispómpiu, spacara, spalleria, spamparrada, prejumu Etimo itl. spampanata Traduzioni Francese ostentation, affectation Inglese bragging Spagnolo jactancia, ostentación Italiano vanterìa, ostentazióne Tedesco Prahlerei.