Ditzionàriu in línia
de sa limba e de sa cultura sarda

bantàxi, bantàxu , nm Definitzione cosa chi unu narat de bonu, fintzes a tropu, de àtere o de issu etotu faendhondhe unu méritu o una balentia Sinònimos e contràrios bàntidu, ispaconamentu, vantu Frases bantaxi de fuedhus… oferta de paràulas! ◊ mi as a narri ca est bantaxi chi dhi fatzu ca mi est fradili! Ètimu srd. Tradutziones Frantzesu vantardise, fanfaronnade Ingresu boasting Ispagnolu alabancia Italianu millanterìa Tedescu Prahlerei.

baravàglia , nf: bravàglia Definitzione manera de fàere a prepoténtzia, a poderiu Sinònimos e contràrios bointia, bràglia, bravada, cogorone, iscòcoro, ispudrédhiu Tradutziones Frantzesu bravade Ingresu boasting Ispagnolu bravata, baladronada Italianu bravata Tedescu Prahlerei.

blàga , nf: braga Definitzione su chi si narat o si giaet a bíere coment'e bantandhosi o cuntentandhosi meda de su chi unu est o faet o tenet / braga bóida (nadu de ccn.)= palleri/pallera, chi si creit meda ma est totu presumu Sinònimos e contràrios alteriu, bagianeria, barrosia, bragheria, magnosidade, morrófia, palleria, pazesa, prejumu, púdriu, spampanada / ttrs. pagliosumu Frases cussu est unu plenu de blaga ◊ cussu lu tenet a braga a s'imbriagare! ◊ a imparanígiu dh'iant postu "Braga cagada"◊ est sèmpiri a iscupeta a codhu, ma dha portat prus po braga chi no po isparai ◊ sa cara sua si allughiat de braga pro s'abbilesa de su ghéneru ◊ sa zente bocat sa braga fachindhe tumbas de lussu in campusantu! ◊ ómines e féminas sunt a braga fata fumendhe! Sambenados e Provèrbios smb: Braga Ètimu itl.p blaga Tradutziones Frantzesu vanterie, morgue, suffisance, gloriole, vanité Ingresu boasting Ispagnolu jactancia Italianu vanterìa, spòcchia, vanaglòria Tedescu Prahlerei.

fanfarronàda , nf Sinònimos e contràrios biatzeria, càdara, càntara, làntara Ètimu spn. Tradutziones Frantzesu fanfaronnade Ingresu brag Ispagnolu fanfarronada Italianu smargiassata Tedescu Prahlerei.

fanfarronía , nf Definitzione su èssere fanfarrones, su si crèdere e bantare tropu de fàere cosas mannas chentza èssere Sinònimos e contràrios bagianeria, barrosia, barrosímini, brafantaria, fanfarroneria, pazarzeria Tradutziones Frantzesu fanfaronnerie Ingresu conceit, swagger Ispagnolu jactancia Italianu boriosità, smargiasserìa Tedescu Prahlerei.

ispaconaméntu , nm Definitzione su ispaconare Sinònimos e contràrios blaga, bragheria, fanfarronia Ètimu srd. Tradutziones Frantzesu vantardise Ingresu boasting Ispagnolu jactancia Italianu millanterìa Tedescu Prahlerei.

spacàra , nf Sinònimos e contràrios ispacunada, spaca Ètimu srd. Tradutziones Frantzesu morgue Ingresu boasting, arrogance Ispagnolu engreimiento, fanfarronada Italianu bòria, spacconata Tedescu Aufgeblasenheit, Prahlerei.

spallería , nf Definitzione su èssere pageri, su cumportamentu de su pageri Sinònimos e contràrios brafantaria, blaga, palleria Frases gei at a èssiri cosa de ti tocai, sa dí de sa festa, cun totu sa spalleria chi as a portai!…◊ immoi su mundu bivit chen'e costumàntzia, ma cun prus spalleria Ètimu srd. Tradutziones Frantzesu crânerie Ingresu boldness, boasting Ispagnolu jactancia Italianu millanterìa, spavalderìa Tedescu Prahlerei, Keckheit.

spampanàda , nf Definitzione su chi si narat o si giaet a bíere coment'e bantandhosi Sinònimos e contràrios blaga, bragheria, ispómpiu, spacara, spalleria, spamparrada, prejumu Ètimu itl. spampanata Tradutziones Frantzesu ostentation, affectation Ingresu bragging Ispagnolu jactancia, ostentación Italianu vanterìa, ostentazióne Tedescu Prahlerei.