Legenda Abbreviazioni | Legenda Simboli

afochízu , nm: afoghígiu, afoghizu Definizione is pagamentos chi betant is amministratziones (Comunu, Istadu); su pònnere fogos, abbruxamentu; disígiu de fémina, de ómine, de mascu, budhidore fintzes de male, tzacu Sinonimi e contrari fogagi, pagamenta / cdh. fuchizamentu / fogu / ampuadura, imbritziolu, insuamentu / arrabiori Frasi mabadita s'ora chi mi seu fatu braberi: mancu su dinai de s'afoghígiu ndi essit! ◊ dhi funt arribbaus is avisus de pagamentu, is billetus de s'afoghígiu ◊ devo pagare s'afoghizu betzu e nou 2. oe sas feras no sunt timindhe sas temporadas, ma s'afoghizu chi faghet sa zente 3. cun s'afoghígiu, is mascus non si podiant tratenni de isfogai s'istintu ◊ sa picioca dh'iat fatu disigiai e po afoghígiu de sànguni una pampada de fogu dh'iat fertu de suncuna ◊ s'intendiat un'afoghígiu in sa camba e dhi beniat gana de s'iscrafi ◊ ti apu oféndiu, ma dèu puru unu pagu de afoghígiu a conca dh’apu portau!◊ si boliant pasiai líbberus de s'afoghígiu de sa dí de sa coja ◊ funt benendimí is afoghígius de su nervosu abetendi custu dotori! Etimo srd. Traduzioni Francese paiement, taxe Inglese tax Spagnolo tributos, impuestos, el pegar fuego, deseo sexual Italiano tributo Tedesco Zahlung, Steuer, Gebühr.

bodhèta 1 , nf: budheta Definizione cosas chi betant a pagare / betare sa ’odheta = papai meda, pigaisindi cosa meda Sinonimi e contrari godheta, pagamentos Frasi su chi faghes cun sa manu no iscontzes cun su pè: tandho frastimas su re candho ti betant sas bodhetas! 2. za bi l'at betada sa bodheta in sos macarrones!…◊ za bi l'at betada sa bodheta, manighendhe!… Etimo ltn. collecta Traduzioni Francese taxe, impôt, contribution Inglese taxes Spagnolo impuesto Italiano tassa, impòsta Tedesco Gebühr, Steuer.

décuma , nf: déguma Definizione su degunu de totu s'incúngia e de totu is intradas (laore e bestiàmene) chi faiant pagare a sa gente is feudatàrios, sa Crésia; genia de posta po calecuna ispesa; in cobertantza, surra de cropos Sinonimi e contrari pagamenta / banzu, decumada, surra Frasi sos Romanos iscorzaiant sos Sardos faghindhe pagare fintzas duas e tres dégumas ◊ amus pacau focàticos, donativos e décumas a meres istranzos 2. s'oberaju si acúrtziat a sos vetzos e chircat de che lis vogare carchi cosa coment'e déguma pro sa festa 3. déguma ti dao, si no mi lassas sa conca in pasu! Etimo ltn. decuma Traduzioni Francese dîme, impôt Inglese tithe, injust tax Spagnolo diezmo (m) Italiano dècima, balzèllo Tedesco Zehnt, Steuer.

godhèta , nf: colleta Definizione arregorta de is pagamentos chi betat su guvernu, un'amministratzione Sinonimi e contrari bodheta 1, pagamenta Frasi sa zustíssia fit connota ca si presentabat chin ussieris e remunidores de godhetas ◊ sa godheta la ghetabant a totus su matessi Etimo ltn. collecta Traduzioni Francese impôt Inglese tax Spagnolo impuesto Italiano tassa, impòsta Tedesco Steuer.

impòsta 1 , nf Definizione intrada chi un'istadu o àteru ente púbblicu arregollet de pagamentos chi betat po su chi unu tenet o còmporat (cosas, servítzios, diritos e àteru) Sinonimi e contrari afoghizu, pagamenta Frasi apo bidu zente in sa poboresa, no podiat sas impostas pagare: donzi cosa a s'incantu li bendhiant a baratu che petza morta de male Etimo itl. Traduzioni Francese impôt Inglese taxation Spagnolo impuesto Italiano impòsta Tedesco Steuer.

pagamènta, pagaméntu , nf, nm Definizione prus che àteru, cosa de pagare a s’istadu o àteru ente púbblicu Sinonimi e contrari afochizu, fogagi Frasi s'isetore est su chi asigit is pagamentas ◊ iscriat chi l'apo dadu tantu a pagamentu de sa robba chi mi est bendhendhe! ◊ ndi dhi fadeus torrai totu su dinai de is pagamentas chi s'at ghetau Traduzioni Francese paiement, taxe, contribution Inglese payment, tax Spagnolo pago, impuesto Italiano pagaménto, tassa, tributo Tedesco Zahlung, Steuer, Gebühr.

«« Cerca di nuovo