Legenda Incurtzaduras | Legenda Sìmbulos

afochízu , nm: afoghígiu, afoghizu Definitzione is pagamentos chi betant is amministratziones (Comunu, Istadu); su pònnere fogos, abbruxamentu; disígiu de fémina, de ómine, de mascu, budhidore fintzes de male, tzacu Sinònimos e contràrios fogagi, pagamenta / cdh. fuchizamentu / fogu / ampuadura, imbritziolu, insuamentu / arrabiori Frases mabadita s'ora chi mi seu fatu braberi: mancu su dinai de s'afoghígiu ndi essit! ◊ dhi funt arribbaus is avisus de pagamentu, is billetus de s'afoghígiu ◊ devo pagare s'afoghizu betzu e nou 2. oe sas feras no sunt timindhe sas temporadas, ma s'afoghizu chi faghet sa zente 3. cun s'afoghígiu, is mascus non si podiant tratenni de isfogai s'istintu ◊ sa picioca dh'iat fatu disigiai e po afoghígiu de sànguni una pampada de fogu dh'iat fertu de suncuna ◊ s'intendiat un'afoghígiu in sa camba e dhi beniat gana de s'iscrafi ◊ ti apu oféndiu, ma dèu puru unu pagu de afoghígiu a conca dh’apu portau!◊ si boliant pasiai líbberus de s'afoghígiu de sa dí de sa coja ◊ funt benendimí is afoghígius de su nervosu abetendi custu dotori! Ètimu srd. Tradutziones Frantzesu paiement, taxe Ingresu tax Ispagnolu tributos, impuestos, el pegar fuego, deseo sexual Italianu tributo Tedescu Zahlung, Steuer, Gebühr.

bodhèta 1 , nf: budheta Definitzione cosas chi betant a pagare / betare sa ’odheta = papai meda, pigaisindi cosa meda Sinònimos e contràrios godheta, pagamentos Frases su chi faghes cun sa manu no iscontzes cun su pè: tandho frastimas su re candho ti betant sas bodhetas! 2. za bi l'at betada sa bodheta in sos macarrones!…◊ za bi l'at betada sa bodheta, manighendhe!… Ètimu ltn. collecta Tradutziones Frantzesu taxe, impôt, contribution Ingresu taxes Ispagnolu impuesto Italianu tassa, impòsta Tedescu Gebühr, Steuer.

décuma , nf: déguma Definitzione su degunu de totu s'incúngia e de totu is intradas (laore e bestiàmene) chi faiant pagare a sa gente is feudatàrios, sa Crésia; genia de posta po calecuna ispesa; in cobertantza, surra de cropos Sinònimos e contràrios pagamenta / banzu, decumada, surra Frases sos Romanos iscorzaiant sos Sardos faghindhe pagare fintzas duas e tres dégumas ◊ amus pacau focàticos, donativos e décumas a meres istranzos 2. s'oberaju si acúrtziat a sos vetzos e chircat de che lis vogare carchi cosa coment'e déguma pro sa festa 3. déguma ti dao, si no mi lassas sa conca in pasu! Ètimu ltn. decuma Tradutziones Frantzesu dîme, impôt Ingresu tithe, injust tax Ispagnolu diezmo (m) Italianu dècima, balzèllo Tedescu Zehnt, Steuer.

godhèta , nf: colleta Definitzione arregorta de is pagamentos chi betat su guvernu, un'amministratzione Sinònimos e contràrios bodheta 1, pagamenta Frases sa zustíssia fit connota ca si presentabat chin ussieris e remunidores de godhetas ◊ sa godheta la ghetabant a totus su matessi Ètimu ltn. collecta Tradutziones Frantzesu impôt Ingresu tax Ispagnolu impuesto Italianu tassa, impòsta Tedescu Steuer.

impòsta 1 , nf Definitzione intrada chi un'istadu o àteru ente púbblicu arregollet de pagamentos chi betat po su chi unu tenet o còmporat (cosas, servítzios, diritos e àteru) Sinònimos e contràrios afoghizu, pagamenta Frases apo bidu zente in sa poboresa, no podiat sas impostas pagare: donzi cosa a s'incantu li bendhiant a baratu che petza morta de male Ètimu itl. Tradutziones Frantzesu impôt Ingresu taxation Ispagnolu impuesto Italianu impòsta Tedescu Steuer.

pagamènta, pagaméntu , nf, nm Definitzione prus che àteru, cosa de pagare a s’istadu o àteru ente púbblicu Sinònimos e contràrios afochizu, fogagi Frases s'isetore est su chi asigit is pagamentas ◊ iscriat chi l'apo dadu tantu a pagamentu de sa robba chi mi est bendhendhe! ◊ ndi dhi fadeus torrai totu su dinai de is pagamentas chi s'at ghetau Tradutziones Frantzesu paiement, taxe, contribution Ingresu payment, tax Ispagnolu pago, impuesto Italianu pagaménto, tassa, tributo Tedescu Zahlung, Steuer, Gebühr.

«« Torra a chircare