méru , agt Definizione calidade chi si narat prus che àteru de unos cantu colores (ruju, grogu, biaitu, birde, canu meru) in su sensu de càrrigu, totu de un'andhare / vinu m. = binu solu, chentza aciunta de abba Sinonimi e contrari schetu Frasi su sàmbene piús meru mi che depo bogare dai venas, deo! ◊ su binu totu est aghedu meru e luchetadu! ◊ est una note mera ◊ sa limba chi impitas no est sardu meru in dogni puntu Etimo ltn. merus Traduzioni Francese pur Inglese pure Spagnolo puro, vivo Italiano schiètto, puro Tedesco echt, rein, unvermischt, pur.

schétu , agt: iscetu 1 Definizione nau de una calidade, chi est totu cussa, chi dhu'est própriu totu; si narat fintzes coment'e avb.: própriu Sinonimi e contrari meru, sprigau Frasi balla ca innòi de bustinas non ci ndh'at: est suci schetu de àxina, custu! ◊ arràbiu, custu no est binu: est axedu schetu! 2. no fait schetu a si ponni in sociedadi cun is prepotentis Etimo itl. schietto Traduzioni Francese pur Inglese pure Spagnolo puro, genuino Italiano prètto, puro Tedesco echt, rein.

síncaru , agt: sincheru, síncheru Definizione chi no portat mància e ne pecu, chi no est ammesturau cun àtera cosa, chi est intreu; nau de ccn., chi no est alligru a binu, no at bufau, fintzes chi est onestu, chentza trassas / vinu s. = bonu, chi no est axedu; late s. = chi no dhue ant aciuntu abba; istare síncheru = abarrai firmu Sinonimi e contrari líaru, santzeru, sanu, sínchidu / cdh. tzíncaru | ctr. demadu, demmu Frasi apustis de tanta matana si che agateit síncheru a cudh'ala de riu ◊ cussu no est síncheru de conca: faghet machines! ◊ a sos drogados torret síncheru su coro! ◊ custu tatzone est síncheru ◊ si fis síncheru, Chicu, peste e lua no betaias! ◊ si che essis síncaru dae cue as a fàghere proa! 2. no mi toches: ista síncheru! Etimo ltn. sincerus Traduzioni Francese intact, naturel Inglese integral, genuine, unrotten Spagnolo íntegro, incólume Italiano ìntegro, incòlume, non bacato, genuino Tedesco ganz, unversehrt, echt.

«« Cerca di nuovo