Legenda Incurtzaduras | Legenda Sìmbulos

botighínu , nm: butechinu, buteghinu Definitzione genia de butega inue bendhent cosas de bufare, o de fumare Sinònimos e contràrios cilleri / istancu / cdh. butighinu Frases in su buteghinu chi aiat comporadu, Efis campaiat sa vida bendhendhe binos e licores ◊ su dinari si che l'at ispesu in su butighinu ◊ oe su mere de su buteghinu est diventadu perfetu alchimista: cun abba bruta e drogas faghet binu (Testoni) Tradutziones Frantzesu gargote, bistrot Ingresu tavern Ispagnolu taberna Italianu béttola Tedescu Kneipe.

ostèra , nf: istera Definitzione logu a ue andhant a crocare e papare is furisteris, a pagamentu; fintzes mere fémina de osteria Sinònimos e contràrios istera, ostaria, pasada / stariàrgia / cdh. ustera Frases candho si fit assentadu in s'ostera, tandho andhaiat de domo in domo a pedire ◊ intreit chentza ndh'ischire nudha sa mere de s'ostera Sambenados e Provèrbios smb: Ostera Ètimu itl. Tradutziones Frantzesu bistrot, hôtelière Ingresu tavern, hotelkeeper Ispagnolu taberna, tabernera Italianu osterìa, albergatrìce Tedescu Gasthaus, Wirtin.

osteriàrgiu, osteriàrxu, osteriàrzu , nm: istarialzu, stariàrgiu Definitzione chie tenet sa staria po dhue pònnere gente furistera a crocare e fintzes po papare Sinònimos e contràrios arbergadore, osteri, pasaderi / ttrs. usteràgiu Terminologia iscientìfica prf Ètimu srd. Tradutziones Frantzesu patron du bistrot Ingresu innkeeper Ispagnolu tabernero Italianu òste Tedescu Wirt.

staría , nf Definitzione logu, stari a ue andhant a crocare e papare is furisteris, a pagamentu Sinònimos e contràrios istera, ostera, pasada Frases Maria iat trogau su pipiu in fàscias e dh'iat postu a dormiri in d-unu lacu de stadha, poita no iant agatau logu in sa staria (Ev) Tradutziones Frantzesu bistrot Ingresu inn Ispagnolu posada, taberna Italianu locanda, osterìa Tedescu Gasthaus, Wirtshaus.

«« Torra a chircare