Ditzionàriu in línia
de sa limba e de sa cultura sarda

duruddúru , nm Definitzione duru duru, genia de foedhu chi si narat a càntigu / cantare a d. Sinònimos e contràrios dudhurudhuru Frases cantare a durudduru ◊ durudduru durusedhu, sas campanas de Castedhu las sonant a su manzanu! ◊ ballamus cudhu antigu durudduru ◊ a durudduru, tzia Mariola, che li at boladu su culu su bentu… Ètimu srd. Tradutziones Frantzesu cantilène Ingresu singsong Ispagnolu cantilena Italianu cantilèna Tedescu eine Geleiersorte.

marmútu , nm: mulmutu, murmutu Definitzione genia de moida sighia (fintzes cantighedhu) Sinònimos e contràrios ammuinamentu, aroroju, mummúchiu, mummuju / iscantaritzu Frases e acolla, s'abe, a marmutu a marmutu! ◊ su murmutu de su ribu ◊ cantaiat a murmutu poesias improvisadas ◊ agabbamila cun custu murmutu, ca so a dolore de conca! Ètimu srd. Tradutziones Frantzesu murmure, cantilène Ingresu murmur Ispagnolu murmullo, cantinela Italianu mormorìo, cantilèna Tedescu Stimmengewirr, Rauschen, Kantilene.