Ditzionàriu in línia
de sa limba e de sa cultura sarda

cassiadórju, cassiadórzu , nm Definitzione logu, tretu inue si podet passare de unu camminu a un'àteru o, nau de s'abba, de un'erriu a una cora, de una cora a un'àtera Sinònimos e contràrios gruxeri, iscansadórgiu, lavadoja, leada, liadroxu, sciogadroxu Frases a oru a riu, in s'ortu, bi tenimus su cassiadorzu de s'abba Ètimu srd. Tradutziones Frantzesu carrefour triviaire Ingresu crossroads, grip point Ispagnolu encrucijada Italianu trìvio, crocìcchio, punto di présa Tedescu Dreiweg.

chirichédhu , nm Definitzione genia de cricu fatu in terra po giogare; cambarada de gente a chistionu Sinònimos e contràrios arriolu 1, bodheu, padheu 2. candho mi zuchiat a sos chirichedhos disocrabo chin àteras mentes su muru de sas nues Tradutziones Frantzesu carrefour, croisement Ingresu crossroads Ispagnolu encrucijada Italianu crocìcchio Tedescu Kreuzung.

grúches , nf Definitzione grughes de bias o de camminos chi si atóbiant Sinònimos e contràrios gruxeri, pitzarxu Tradutziones Frantzesu carrefour Ingresu crossroads Ispagnolu encrucijada Italianu crocevìa Tedescu Kreuzung.

gruxéri , nm: agruxeri Definitzione tretu inue si atóbiant duas orrugas, duos camminos; dhu narant puru a is arcos de sa navada de una crésia candho si atóbiant a grughe, a is bratzos de una crésia; in sa mola, est su telàrgiu ue si apicat su mojolu Sinònimos e contràrios cassiadorju, gruches, ingruxeri, pitzarxu Frases at ghetau su bandu me is gruxeris de is arrugas ◊ andai a is gruxeris de is bias e invitai a totus a sa coja! ◊ po ti nci torrai a bidha tua ti acumpàngiu fintzas a su gruxeri Ètimu srd. Tradutziones Frantzesu carrefour, croisillon Ingresu crossroads, cross Ispagnolu encrucijada, bóveda de crucería Italianu crocevìa, crocìcchio, crocièra della chièsa Tedescu Kreuzung, Kreuzgewölbe.

ingrugiadúra , nf: ingruxadura Definitzione su passare a istúturu; manera de arare a istúturu de is surcos fatos in su brabatu; grughe de camminos, tretu ue si atóbiant o de ue tzucant duas orrugas, duas istradas, duos camminos; foedhandho de pudadura, segadura in grughes, a isconcadura Sinònimos e contràrios forchidhadura, ingrugiada, ingruxeri, rughera Ètimu srd. Tradutziones Frantzesu croisement, carrefour, intersection Ingresu crossroads Ispagnolu cruzar, encrucijada, intersección Italianu incrociatura, quadrìvio, intersezióne Tedescu Kreuzung.

ingruxéri , nm Definitzione grughes de istrada, tretu inue duos camminos o orrugas si atóbiant a grughe (fintzes cosas postas a istúturu, a rughinu) Sinònimos e contràrios aggrugadura, agruxeri, carvadura, forchidhadura, infurcada, ingrugiada, ingrugiadura, orrucradorzu, rughera Frases si seus firmaus in s'ingruxeri intr'e duas bias Ètimu srd. Tradutziones Frantzesu carrefour Ingresu crossing Ispagnolu encrucijada, cruce Italianu incrócio Tedescu Kreuzung.