Ditzionàriu in línia
de sa limba e de sa cultura sarda

fugliéri , nm Definitzione chie faet cosas ingannandho s'àteru Sinònimos e contràrios afrascadore, arrebuseri, fraíciu, imbusteri, inganneri, ingregheri, macatrefa, mandragheri, tramperi, tramposu Terminologia iscientìfica ntl Ètimu spn. fullero Tradutziones Frantzesu escroc Ingresu swindler Ispagnolu estafador Italianu truffatóre Tedescu Betrüger.

imbodhiósu , agt, nm: imbolicosu, imboligosu Definitzione chi o chie costumat a trampare, a pigare sa gente a ingannia giaendhodhi a bíere una cosa po un’àtera Sinònimos e contràrios afrascadore, arrebuseri, imbodhicheri, imbolicantinu, imbusteri, inganneri, ingheniosu, ingregheri, introsigheri, inzomosu, pinnicule, tramperi, trapuleri / cdh. imbuliconi Frases imbodhiosu atriviu… balla ca no mi futis prus! ◊ so tantu imboligante e imboligosu chi mancu eo mi poto isboligare ◊ su chi fachent cussos est cubau, ca sunt imbolicosos ◊ imbolicosu chi no bi ndhe aiat àteru in sa terra, issu nos la fachiat in cara che unu maghiarju ◊ cussu cummertzante est un'imboligosu Terminologia iscientìfica ntl Ètimu srd. Tradutziones Frantzesu filou, escroc Ingresu swindler Ispagnolu tramposo Italianu imbroglióne, truffatóre Tedescu Betrüger.

latranghéri , agt, nm: letrancheri, letrangheri Definitzione chi o chie cricat de imbovare o ingannare s'àteru Sinònimos e contràrios arruseri, imbodhiosu, imbovadori, improseri, matracheri, tramperi, trancamallosu Ètimu srd. Tradutziones Frantzesu filou, escroc Ingresu cheater Ispagnolu estafador Italianu imbroglióne Tedescu betrügerisch, Betrüger.

mariólu , agt, nm: meriolu Definitzione chie acostumat a pigare is àteros cun s'ingannu; fintzes unu chi abbarrat aifatu de su logu, sèmpere in giru Sinònimos e contràrios afrascadore, arrebuseri, fraíciu, fuglieri, imbodhiosu, imbusteri, inganneri, ingheniosu, ingregheri, mànghinu, tramperi, trasseri / ttrs. marioru / rundhellu Frases no s'ischit ite àteru li nesit cussa mariola pro la corogliare ◊ no ti lasses incantare dae su mariolu! ◊ pro si campare, dogni mariolu diat cunvelter sas pedras in pane! (G.Zicconi Tanchis)◊ innantis su sonnu beniat mariolu mariolu e mi abbratzaiat a note intrea: como no poto drommire! Sambenados e Provèrbios smb: Mariolu Terminologia iscientìfica ntl Ètimu itl. mari(u)olo Tradutziones Frantzesu escroc Ingresu swindler Ispagnolu estafador Italianu truffatóre Tedescu Betrüger, Schwindler.

trampanéri , nm Definitzione chie acostumat a fàere tràmpanas, a trampare, nàrrere fàulas Sinònimos e contràrios trampanudu, tramperi, tramposu Frases est in istadu malu totu pro curpa de sos trampaneris ◊ oe s'est atoscadu s'ambiente e trampaneris cun diplomas mannos cosas istranas s'ant fissadu in mente (R.Casula)◊ at a èssi cosa chi narat s'amigu trampaneri po bantaxeria! ◊ dèu dh'apu arróscia custa genti trampanera! Tradutziones Frantzesu trompeur, escroc Ingresu cheater Ispagnolu tramposo Italianu ingannatóre, truffatóre Tedescu Betrüger.

trampósu , agt, nm Definitzione chi o chie est prenu de trampas, faet trampas, odríngiat ingannos / peràulas tramposas = chi lassant dudosos ca faent pentzare a prus de una cosa, o ndhe faent pentzare una po un'àtera (che candho si giogat a intzertare) Sinònimos e contràrios afrascadore, arrebuseri, fraitzu, imbodhiosu, imbusteri, inganneri, inganniosu, ingregheri, mànghinu, mariolu, tramasseri, trampajolu, tramperi, trampista, trasseri Frases apitzigada ti l'apo sa trampa: eo puru, si cheres, so tramposu ◊ cussu est tramposu che matzone, totu ingannos! ◊ tramposu ses? míseru moris! ◊ pàgami su salàriu, tramposu, chi ses rebbelle e no cheres pagare! (A.M.Scanu) Ètimu spn. Tradutziones Frantzesu escroc Ingresu swindler, cheating Ispagnolu tramposo Italianu imbroglióne, truffatóre Tedescu Betrüger.

trancamallósu , agt, nm Definitzione chi o chie acostumat a fàere trancamàglias, imbodhigos, ingannos po su torracontu suo Sinònimos e contràrios arruseri, trafaneri, tramposu, trancheri, trapuleri Frases cussu trancamallosu narat de sa pedra pane: no li ponzas mente! Terminologia iscientìfica ntl Tradutziones Frantzesu flibustier, escroc Ingresu scoundrel Ispagnolu estafador Italianu filibustière, imbroglióne Tedescu Betrüger.