Legenda Incurtzaduras | Legenda Sìmbulos

imbodhiósu , agt, nm: imbolicosu, imboligosu Definitzione chi o chie costumat a trampare, a pigare sa gente a ingannia giaendhodhi a bíere una cosa po un’àtera Sinònimos e contràrios afrascadore, arrebuseri, imbodhicheri, imbolicantinu, imbusteri, inganneri, ingheniosu, ingregheri, introsigheri, inzomosu, pinnicule, tramperi, trapuleri / cdh. imbuliconi Frases imbodhiosu atriviu… balla ca no mi futis prus! ◊ so tantu imboligante e imboligosu chi mancu eo mi poto isboligare ◊ su chi fachent cussos est cubau, ca sunt imbolicosos ◊ imbolicosu chi no bi ndhe aiat àteru in sa terra, issu nos la fachiat in cara che unu maghiarju ◊ cussu cummertzante est un'imboligosu Terminologia iscientìfica ntl Ètimu srd. Tradutziones Frantzesu filou, escroc Ingresu swindler Ispagnolu tramposo Italianu imbroglióne, truffatóre Tedescu Betrüger.

inzomadòre , agt, nm Definitzione chi o chie inzomat; in cobertantza, chi o chie cuncordat o trassat cosa a dannu de s'àteru Sinònimos e contràrios imbodhiosu, imboveri, inzomosu, trapuleri Ètimu srd. Tradutziones Frantzesu filou, dupeur Ingresu winder, trickster Ispagnolu estafador Italianu dipanatóre, imbroglióne Tedescu Schwindler.

latranghéri , agt, nm: letrancheri, letrangheri Definitzione chi o chie cricat de imbovare o ingannare s'àteru Sinònimos e contràrios arruseri, imbodhiosu, imbovadori, improseri, matracheri, tramperi, trancamallosu Ètimu srd. Tradutziones Frantzesu filou, escroc Ingresu cheater Ispagnolu estafador Italianu imbroglióne Tedescu betrügerisch, Betrüger.

trampósu , agt, nm Definitzione chi o chie est prenu de trampas, faet trampas, odríngiat ingannos / peràulas tramposas = chi lassant dudosos ca faent pentzare a prus de una cosa, o ndhe faent pentzare una po un'àtera (che candho si giogat a intzertare) Sinònimos e contràrios afrascadore, arrebuseri, fraitzu, imbodhiosu, imbusteri, inganneri, inganniosu, ingregheri, mànghinu, mariolu, tramasseri, trampajolu, tramperi, trampista, trasseri Frases apitzigada ti l'apo sa trampa: eo puru, si cheres, so tramposu ◊ cussu est tramposu che matzone, totu ingannos! ◊ tramposu ses? míseru moris! ◊ pàgami su salàriu, tramposu, chi ses rebbelle e no cheres pagare! (A.M.Scanu) Ètimu spn. Tradutziones Frantzesu escroc Ingresu swindler, cheating Ispagnolu tramposo Italianu imbroglióne, truffatóre Tedescu Betrüger.

trancamallósu , agt, nm Definitzione chi o chie acostumat a fàere trancamàglias, imbodhigos, ingannos po su torracontu suo Sinònimos e contràrios arruseri, trafaneri, tramposu, trancheri, trapuleri Frases cussu trancamallosu narat de sa pedra pane: no li ponzas mente! Terminologia iscientìfica ntl Tradutziones Frantzesu flibustier, escroc Ingresu scoundrel Ispagnolu estafador Italianu filibustière, imbroglióne Tedescu Betrüger.

«« Torra a chircare