Legenda Incurtzaduras | Legenda Sìmbulos

conchilébiu , agt, nm: conchilépiu Definitzione nau de chie tenet unu cumportamentu pagu sériu, giau a is violeras, prus che àteru in chistiones de féminas (o de ómines) Sinònimos e contràrios conchibballadu, conchiminudu, crebedhilébiu, frioleri, ilgiradu / curriola | ctr. séliu Frases cussa est una conchilébia, sempre cun s'unu e cun s'àteru Terminologia iscientìfica ntl Ètimu srd. Tradutziones Frantzesu frivole Ingresu frivolous (person), forgetful Ispagnolu frívolo Italianu frìvolo, leggèro Tedescu eitel, eitler Mensch.

cucuriòla , nf Definitzione fémina conchilébia, pagu séria Sinònimos e contràrios currijola, durundella Frases primma li at dadu su coro, a cudhu, e poi si est fata cucuriola! Ètimu srd. Tradutziones Frantzesu femme frivole Ingresu frivolous woman Ispagnolu mujer frívola Italianu dònna frìvola Tedescu eitle Frau.

modàrzu , agt, nm Definitzione chi o chie abbàidat solu sa moda, is modas, ponet aifatu de is modas in manera esagerada, bona o mala, bastat chi siat sa moda noa Sinònimos e contràrios vanidadosu / cdh. vanaredhu Ètimu srd. Tradutziones Frantzesu frivole Ingresu frivolous (person) Ispagnolu frívolo Italianu frìvolo Tedescu frivol, eitel, Flachkopf.

vanidadósu , agt, nm Definitzione chi o chie giaet importu a cosighedhas de pagu contu, chi mancari parent bellas ma no funt de sustàntzia; chi si credet, chi si giaet importu mannu, fintzes bellu meda Sinònimos e contràrios banosu, blagheri, creitosu, ispacone, pazaghe / cdh. vanaredhu 2. li ant fatu un'interru vanidadosu: unu muntone de grillandhas e de lussu bi aiat Tradutziones Frantzesu frivole Ingresu frivolous Ispagnolu frívolo Italianu frìvolo Tedescu eitel.

«« Torra a chircare