Ditzionàriu in línia
de sa limba e de sa cultura sarda

isputzídu , pps, agt Definitzione de isputzire; chi est grisau, arrefudau, postu o lassau a una parte coment'e cosa chi nemos istimat, chi nemos bolet, pigada a disprétziu Sinònimos e contràrios grisadu, irzenzadu | ctr. istimadu 2. ma proite devet èssere isputzida cudha terra chi bos at dau sa vida? Tradutziones Frantzesu vilipendé, isolé, esseulé Ingresu scorned, emarginated Ispagnolu marginado Italianu vilipeso, emarginato Tedescu verachtet.

spédriu , agt: ispérdidu, spérdiu Definitzione chi si ch'est ispérdiu, andhau male deunudotu (nau mescamente de òperas), lassau idorrúere coment'est su logu solu, chentza contivigiare, candho no dhue abbitat gente Sinònimos e contràrios irbandhonadu, sderrutu, solu Frases seu crésciu corriatzu che tiria in is costeras spédrias de su monti Tradutziones Frantzesu perdu, isolé Ingresu wild, secluded Ispagnolu apartado, retirado Italianu selvàggio, sperduto Tedescu wild, weltverloren.

texíle, téxili , nm Definitzione genia de cúcuru de monte, de orroca arta e sola totu a inghíriu Sinònimos e contràrios taca, toneri Terminologia iscientìfica slg Ètimu srdn. Tradutziones Frantzesu sommet isolé Ingresu isolated summit Ispagnolu cumbre aislada Italianu cocùzzolo isolato Tedescu alleinstehender Gipfel.