Ditzionàriu in línia
de sa limba e de sa cultura sarda

bunnànneru , nm Definitzione erba de Bunnànnaru, genia de erba fragosa a frores grogos: crammédiu de istrópios (ca sanat is segadas) Terminologia iscientìfica rba, Teucrium flavum Tradutziones Frantzesu germandrée jaune Ingresu oakling Ispagnolu teucrio amarillo Italianu querciòla maggióre Tedescu eine Gamandersorte.

giàllara , nf Definitzione erba de su tàgliu o erba de giallu, genia de erba bona po giare su colore grogo a s’orrobba e fintzes po meighina Sinònimos e contràrios còroe Sambenados e Provèrbios smb: Giallara Terminologia iscientìfica rbc, Reseda luteola Ètimu srd. Tradutziones Frantzesu gaude, herbe jaune Ingresu yellow mignonette Ispagnolu gualda Italianu guaderèlla Tedescu Färberwau.

gròga , agt, nm: grogo, grogu (grògu, grógu) grou Definitzione genia de colore, colore de limone lómpiu; colore de cara malàida, de unu malàidu / a/c. candho est agt. no est sèmpere chi cuncordat cun su númene (sa var. groga no cuncordat mai); genias de grogo: intzesu, meru, leonadu (de limone) Sinònimos e contràrios zàlinu Maneras de nàrrere csn: apustis de centu annus, berritedha groga! = augúriu pro bíviri ancora meda; grogu che limoni, che sa cera = g. meru (fintzas de maladia); scialu grogu = festa manna, cun cosa meda Frases cussu portat is pilos groga e totus in famíglia portant totu su pilu groga, no solu is pilos de conca (G.A.Cui)◊ fit grogu comente est grogu su limone ◊ portas sa faci groga che sa cera!◊ su campu est grogo de trídicu ◊ portaiat sa conca imbodhiada cun sa tiagiola grogo de s'antigu costúmene (R.Sardella) Sambenados e Provèrbios smb: Grogu Terminologia iscientìfica clr Ètimu ctl. groc, groga Tradutziones Frantzesu jaune Ingresu yellow Ispagnolu amarillo Italianu giallo Tedescu gelb.

groghèsa , nf Definitzione su èssere grogos, in cara mala che sa tela Sinònimos e contràrios groghera, grogore, grogúmene / cdh. groghétzia Ètimu ctl. groguesa Tradutziones Frantzesu teint jaune Ingresu yellowness Ispagnolu amarillez Italianu giallóre Tedescu gelbliche Gesichtsfarbe.

groghímene, groghímine, groghímini , nm Sinònimos e contràrios groghera, groghesa, grogúmene / cdh. grughímini Ètimu srd. Tradutziones Frantzesu couleur jaune Ingresu dirty yellow Ispagnolu amarillento Italianu giallume Tedescu gelbliche Farbe.

mélinu , agt: méllinu, méniu Definitzione in colore de su mele (nau mescamente de s'intina de is cuadhos); nau de su late postu a caentare po dhu fàere a casu (ma fintzes de abba), chi est tébiu Sinònimos e contràrios muzu Frases anzones melinedhos, de pilu castanzu 2. a vias, pro s'apretu, semenaiant a intébidu, o siet a sa prima arada, a terra mélina (G.Addis) Sambenados e Provèrbios smb: Melinu Terminologia iscientìfica clr Ètimu ltn. melinus Tradutziones Frantzesu jaune foncé, alezan Ingresu sorrel Ispagnolu melado Italianu falbo Tedescu falb.

oidédhu , nm: ovidedhu Definitzione sa parte de mesu, orrúbia, de s'ou Sinònimos e contràrios aminedha, arravígliu, ollanu, orrubiedhu, ruviovu, tórulu 1 Frases candho s'oidedhu est brutu, su puzone intro est niedhu Tradutziones Frantzesu jaune d'œuf Ingresu yolk Ispagnolu yema Italianu tuòrlo Tedescu Eigelb, Eidotter.

ollànu , nm Definitzione sa parte orrúbia de s'ou Sinònimos e contràrios aminedha, arravígliu, oidedhu, tórulu 1 Frases ous a dus ollanus ◊ s'ou est fatu de su croxu, de su biancu e de s'ollanu Sambenados e Provèrbios smb: Ollanu, Ollano Ètimu srd. Tradutziones Frantzesu jaune d'œuf Ingresu yolk Ispagnolu yema Italianu tuòrlo Tedescu Eigelb, Eidotter.

resèda , nf Definitzione tres calidades de erbas linnosas tenent custu númene, nadas coa de gatu s'una e fintzes strapudhu de cani, allupaguadhus s'àtera, bonas po tínghere in colore grogo; un'àtera ancora est sa coa de gatu fragosa Sinònimos e contràrios allupaguadhu 3 Terminologia iscientìfica rbl, Reseda alba, R. lutea, R. odorata Tradutziones Frantzesu réséda blanc, réséda jaune Ingresu reseda Ispagnolu reseda Italianu resèda bianca, resèda gialla Tedescu Resede.