Legenda Incurtzaduras | Legenda Sìmbulos

mensóngiu , nm: messognu, messóngiu, messonzu Definitzione su messare e fintzes su logu inue funt messandho Sinònimos e contràrios messa, messera, messinzu Frases pregade su padronu chi mandhet messadores a su messonzu sou Ètimu srd. Tradutziones Frantzesu moisson Ingresu reaping Ispagnolu siega Italianu mietitura Tedescu Mähen, Mahd.

mèssa , nf Definitzione su messare, su trebballu de ndhe segare su laore a messadura; su tempus chi s'istat messandho Sinònimos e contràrios messera, messóngiu, messura Frases sa messa dh'apo fata totu a solu, no apo cricau is àteros! Terminologia iscientìfica msg Ètimu srd. Tradutziones Frantzesu moisson Ingresu reaping (time) Ispagnolu cosecha Italianu mietitura Tedescu Mähen, Mahd, Erntezeit.

messèra , nf Definitzione su messare; su tempus de messare o chi s'istat messandho Sinònimos e contràrios messa, messóngiu, messura / cdh. missera Frases sos pianos impazosidos ingranint sos ranos promitindhe una chíbbera messera (A.M.Pinna)◊ sas piantas sunt umbraju de consolu in sas messeras Sambenados e Provèrbios smb: Messera Terminologia iscientìfica msg Ètimu srd. Tradutziones Frantzesu moisson Ingresu reaping (time) Ispagnolu siega Italianu mietitura Tedescu Mähen, Mahd, Erntezeit.

sàidu , nm, nf: seda 1, sede, sedi, see, sèide, sèidi, séidu, sete 2 Definitzione su laore a fundhu, chentza treulau, de messare e mescamente messau / in su sèide si distinghent bàtoro partes: arraighina, cambu, fògia, ispiga; cadira a fundu de sèidi = a fundhu de fenu o àteru de gai intéssidu Sinònimos e contràrios restrugu, sebe, sèghede / cdh. sedu Frases su trigu fit bonu a sede, ma no at cumpridu ranu ◊ su sede est ammuntonadu in s'arzola pro lu triulare ◊ candho intraiant in su sede, a messare, sa ràglia si allongàt cantu andhat s'oju ◊ su ranu semenadu naschet, creschet, faghet sede, si aupat, bogat s'ispiga e ingranit ◊ sos messajos atelaiant su messonzu a manzanile chito, a sede lenta (G.Addis) Ètimu srd. Tradutziones Frantzesu moisson, chaume Ingresu stubbles (harvest), forage Ispagnolu mies, rastrojos Italianu biada mietuta, stóppie Tedescu Ernte, Stoppeln.

«« Torra a chircare