Ditzionàriu in línia
de sa limba e de sa cultura sarda

avansàda , nf: avantzada Definitzione su avantzare, su andhare a denanti; fintzes logu in artziada; cosa chi si pedit o proponet de fàere un'àteru o cun àtere Sinònimos e contràrios abantzamentu / alciada, ampuada, picada / proponimentu 3. Antoni frade mi at fatu s'avansada de cherrer bèndhere (G.Ruju)◊ s'avansada chi mi as fatu est un'alliu! Ètimu ctl., spn. avançada, avanzada Tradutziones Frantzesu avance, proposition Ingresu advance, suggestion Ispagnolu avance Italianu avanzata, propòsta Tedescu Vorrücken, Vorschlag.

propositziòne, propositziòni , nf Definitzione su mínimu cuncordu de foedhos po nàrrere calecuna cosa, unu pentzamentu o un'idea de si cumprèndhere, su pentzamentu deasi comente si narat (o si podet nàrrere) cun is mínimos foedhos necessàrios po giare a cumprèndhere un'idea: est sèmpere cuncordada cun d-unu suzetu, chi inditat ite o chie est s'atore, e unu verbu o predicadu, a solu o cun àteru, chi giaet s'idea de ite faet o comente o inue est su sugetu (a bortas, segundhu comente, mescamente in is arrespostas, podet mancare s'unu o s'àteru e ambos duos puru) Sinònimos e contràrios frasa Tradutziones Frantzesu proposition Ingresu proposition Ispagnolu proposición Italianu proposizióne Tedescu Satz.