Legenda Incurtzaduras | Legenda Sìmbulos

màltza , nf: martza Definitzione genia de cosa unu pagu bianca e cagiada chi si podet fàere in freaduras, segadas o tretu infiammau, fata de carre chi morit, mícrobbos, glóbbulos biancos e abbadúgia Sinònimos e contràrios mamaja, mammai 1, mammana, matéria, materiatzu, sagna 1 / cdh. màlcia Frases tzegu est su corpus dadu a su machine mundhanu, incaminadu in vias malas, fiore un'ora, e cras… martza e pudine (P.Casu) Terminologia iscientìfica mld Ètimu itl. marcia Tradutziones Frantzesu pus Ingresu pus Ispagnolu pus Italianu pus Tedescu Eiter.

matéria , nf Definitzione sa martza (carre chi morit, mícrobbos, glóbbulos biancos e abbadúgia) comente si faet o essit de una fruschedha / fàcia de m. = cara in colore de tela, isarboliu, ispanàciu Sinònimos e contràrios maltza, mamaja, mammai 1, mammana, materiatzu, sagna 1 Frases ndhe at isgutadu su late in matéria ◊ eo apo cordozu finas de ischitzare una buischedha in carre anzena pro ndhe bogare sa matéria ◊ sa matéria a chilos li falet a chie tzacat fogu!◊ po ndhe ciupire sa matéria dea sa fruschedha pòngio paperi Ètimu itl. matèria Tradutziones Frantzesu pus Ingresu pus Ispagnolu pus Italianu pus Tedescu Eiter.

materiàtzu , nm Definitzione arregollimentu de matéria, cosa martzida Sinònimos e contràrios maltza, matéria Ètimu srd. Tradutziones Frantzesu pus, suppuration Ingresu pus, suppuration Ispagnolu pus Italianu pus, suppurazióne Tedescu Eiter, Suppuration, Eiterung.

sàgna 1 , nf: sàngia, sanza Definitzione sàmbene malu, guastu, cun matéria chi essit de una feria chi si est ufrada, ma fintzes sa essidura etotu; in cobertantza, fintzes arrennegu, afuta Sinònimos e contràrios maltza, mamaja, mammai 1, mammana, matéria, sanzida / postema / ascru, ódia, tírria Maneras de nàrrere csn: èssere una sacheta de sagna (nadu de ccn.)= odiosu, malu, de naturale malu; trigu in sàngia = modhe, ingranindhe ma ancora latelate Frases si est mortu unfrau de sàngia e de malítzia ◊ dae cussas malandras e piaes sàmbene e sanza bidio calendhe 2. sa sàngia aferenat s'esisténtzia ◊ ses patindhe dolore e sàngia ◊ ma càstia cussa faci de sàngia ita at fatu! ◊ cussu? cussu est papau de sa sàngia!◊ ndi faint de cherpai de sa sàngia, is bixinus, candu si ant a biri!… Ètimu ltn. sania Tradutziones Frantzesu pus, envie Ingresu pus, envy Ispagnolu pus, sanies, envidia Italianu pus, sàngue màrcio, invìdia Tedescu Eiter, Neid.

«« Torra a chircare